عبر وتجارب مهمه!

[مسفر بن العلاج العرجاني]

من كثر ماوقت العنا خرب حلام
ما كن للدنيا وللعيشة طعم
روض قلوب(ن) طامحه بأعلى مرام
لين استوت في العين (لا) ولا (نعم)
فيما أنت تمشي وأنت فيديك الزمام
ماتصبح إلا فاقدن "حمر النعم"
تفرح ليامن راح عام وجاك عام
ومفروض حزنك من فرحك أشمل وأعم
عام(ن)مضى في العمر خطوه للأمام
للمنزل اللي يشتكي قل الدعم
بيت الردي ، والشيخ فكاك الجهام
ومن يلبس الطوقه ، ومن يلبس معم
يا لله يا معبودنا حسن الختام
في ساعة(ن) الموت بذباله شعم
وأبطل حلام ابليس لايغوي الأنام
لا يملأن النار منا لو زعم
يابن آدم الله عونك وذكره احزام
في موقف(ن) ماذكر به خال(ن) وعم
اقنع بما يعطي ، رجل ولا سنام
له حكمة(ن) حتى بتقسيم النعم
عش كنك اتردد: على الدنيا السلام
حتى تعيش العمر ، بإحساس وطعم

*مسفر بن العلاج العرجاني

 

 

 

 

 

 

 

 

[عبدالله السفياني]

مشكوووووور والله يعطيك الف عافيه

[مسفر بن العلاج العرجاني]

العفو ياعبدالله الله يعااافيك

[أم عمر]

الشاعر مسفر بن العلاج العرجاني
صدقت والله


صح لسانك ولا هنت قصيدة رائعة جدا



تحيتي وتقديري ونثر النجوم هنا وتقيمي


وفقك الله

[مسفر بن العلاج العرجاني]

الأخت لؤلؤة المري صح بدنش واتشرف باطلاعش ورأيش واشادتش،
وشكرا على التقييم