وش ذنب من حبك على غير مشهاه

[حماد الشملاني]

السلام عليكم

اسعد الله ايامكم

بكل خير :

يسعدني التواجد في هذا الصرح الجميل

/

اولى مصافحى

/

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] وش ذنب من حبك على غير مشهاه = تجرح خفوقه بالجفا وانت خله
مافيه شيءً في حياته تمناه = ياكود وصلك والوصل ماحصله
يمرني طيفك مع جرة الااه = ويقولي (ناسيه) واقول (لله)
واقوله لاحتجت له وين بلقاه =ويقولي روح وتلقا محله
غالي واحبك بس لك قلب م قساه = وشوقي عليك بذمتي دون مله
وقلبي على كثر ان ماقلبك ادماه = القاه من زود الوله رايحن له
اهب ياذ الحب شف وين وداه = قلبً شجاع ولا يعرف المذله
من عقب ماحاس الزمان وتحداه = اقوله يطعنك .؟ ويقول خله
لكن ياللي كل ماقلت بنساه = ارجع واقول ان قلت بنساه زله
من كثر ماقلبي من غيابكم جاه = عندي سؤال وخاطري بك تحله
(وش ذنب من حبك على غير مشهاه = تجرح خفوقه بالجفا وانت خله..؟)[/poem]

حماد الشملاني

دمتم بحب

 

 

 

 

 

 

 

 

[أم عمر]

حماد الشملاني
وعليكم السلام ورحمة الله


حياك في الملتقى الجماهيري للشاعر محمد بن فطيس


اهلا وسهلا فيك ومرحبا


وهلا بمصافحتك الاولى في الملتقى صح لسانك ولا هنت لجمال بوووحك


ابيات في قمة الروعة ننتظر ابداعاتك


تحيتي وتقديري ونجومي وتقيمي

[ماجد الشيباني]

صح لسانك حماد الشملاني
ابيات جزله وعذبه وتسلم يمينك على هالطرح
ودي