...... لـــيــل الــشــتـاء......

[ظافر العرجاني]

السلام عليكم ورحمة الله وبركاتة

هاذي ابيات متواضعه واتمنى ان تنال اعجابكم

النوم يامشعل مجافي عيوني
كنّي انا وياه عدوان واخصام

وليل الشتاء ياخيك هيض شجوني
يعزف على جرحي تقاسيم وانغانم

جرح(ن) معنيني ولو تجهلوني
وسمه على قلبي مثل كي ميسام

سبة فراق اللي ملا كل كوني
واعمى عيوني عن هل الشرق والشام

اغليه بدّ الخلق لو يزعلوني
الاصحاب مني او خوالي والاعمام

ومافيه عقبه من سأل ويش لوني
واضح علي... ماني بطيب ومنضام

لاحدن يقول اسمه ولو تمزحوني
ذكره يعنّي خافق(ن) مابعد شام

جرحه وطيفه .. عادهم يوصلوني
واللي عليه العلم.. جافي من العام

بصبر على بعده ولو يعذلوني
وبشب نار الشوق ولاني بملام

وان كان شفته يارفيقي وعوني
قله ترا خلّك من الضيم مانام

وقله على عهدك ليومك يصوني
لكّن لاتجعل صدودك بالاعوام

وسلامتكم

 

 

 

 

 

 

 

 

[محمد بن مهدي العرجاني]

لاحدن يقول اسمه ولو تمزحوني
ذكره يعنّي خافق(ن) مابعد شام

صح السانك يا ظافر جعلني والله ما ابكيك وانشهد انه بيصير لك مستقبل لبا روحك

[عبد العزيز الهزاع]

صحّ لسانك ،، دمت بخير

[عامر صالح ال شنيف]

صح الله السااانك يا ظافر ولا هنت

[فاقده ابوها]

صحححححح السانك روعه بجد

[خالد العبيريد]

وعليكم السلام ورحمة الله وبركاته ,,

سلمت ودمت ياشاعرنا الجزل ظافر حياك الله ,,

صح الله لساانك وصح قلبك وكلك ولاهنت وافي جزل ولاتقدم الا الي يشرف يالقرم,,

تحياتي لك ودمت رائع .

[ظافر العرجاني]

ابو مهدي


صح بدنك و ولا ابكيك
وبيض الله وجهك على مرورك وعلى كلامك الطيب
لاخلى ولاعدم فديتك

[ظافر العرجاني]

عبدالعزيز الهزاع



صح بدنك يالغالي ولاهنت على مرورك

[ظافر العرجاني]

عامر صالح ال شنيف



صح بدنك يابو صالح وبيض الله وجهك على مرورك يالغالي

[ظافر العرجاني]

فاقده ابوها



صح بدنك ولاهنتي يالغالي على مرورك
لاخلى ولاعدم