الله يذكّرك الشهاده كان تذكر مانسيت

[الودعااني]

الله يذكرك الشهـاده كـان تذكـر مانسيـت
اسمي ودقة هاتفي وصوتي الحزيـن ونبرتـه

مافاتك الا ساع ما قفيت عـن عينـي بكيـت
فاتك تشوف الي صباح العيـد ذكـرى عبرتـه

اني اردد عليك الـي كتبتـه بيـت بيـت
عن بكـره ابيـه الشعـر ولا ابيـه وبكرتـه

قمت اتوجد بعد مـا روحـت لكنـي هديـت
ذكرت من قال الحيا لاقفـى تحـرم سبرتـه

أكيد تذكر ساعة الفرقـى ترانـي ماخطيـت
لكن لقيت ان التفاهم صعب وصعـب دبرتـه

كنت اسالك ليه الغموض يحيط بك وذا نويت
ياقو عذرك والي اقوى منـه معنـى حكرتـه

دامك قدرت تغيب ليه تجي ونا تـوي بديـت
اجـــبـــرك ياكســـر بقلبـي مــاتجـبـر كـسرتـه

حتى ولو مره من المـرات زليـت ونسيـت
منته بتعذر واحـد خوفـه يقـاس بحضرتـه

يامشتكيني للجفى ونا علـى وصلـك شكيـت
ياما ربطني في رجا الامال ومحـل مكرتـه

ليلة ضياعك او وداعك المهـم انـي غديـت
كني بدوي في خـلا قيـل وهجـت بكرتـه

انا ياماضي ماضى من الي حصل منك اكتفيت
بالله يكفـي ميتٍ بلشـت يديـك بدفنـتـه

ياحسرتي ماكنت اظنك في غرامك باب بيـت
مــــــــن يملك المفتاح ماريحٍ تزعزع حضرتـه

القلب ماهو لك ابد ،، قلبي ليا منـي ظميـت
ثــــمٍ سقاني واحـــــد مثلـي غــــرامـه كبرتـه

يولع ظلوعـي ولا ادفـى بقربـه ماحييـت
احيى وموت من الغلى ولا غـرام الزكرته

الشاعر الكبير (( رآية الشعر )): علي بن حمري

 

 

 

 

 

 

 

 

توقيع : الودعااني

من صاحبـي زلتـه لاجـات امشيهـا امــا عـلى حشـمته والآ لشيبانه اطـا عليها ولا كنـي بـمـوحـيها واصد عنها وابرر غلـطـة لسـانه واحسب عواقيبها والله يـعـديـهــا من خوف لايدري الحاقد وشـيـطانه

---

التعديل الأخير تم بواسطة الودعااني ; 08-26-2012 الساعة 10:50 AM

[أهات الجروح]

راقت لي وابدعت يعطيك العافيه : وصح لسانك :ياحسرتي ماكنت اظنك في غرامك باب بيـت
مــــــــن يملك المفتاح ماريحٍ تزعزع حضرتـه

[ولد نجد]

الودعاني انتقاء مميز كالعاده
صح لسان الشاعر
وسلمت يمينك
تقبل ودي واحترامي

[خـڜـوفــه]

ابدعت واصل واناا منن متابعينك

[فراشة]

يامشتكيني للجفى وانا على وصلك شكيت
ياما ربطني في رجا الامال ومحـل مكرتـه

صح لسان ابن حمري .. وصح لسانك ولاهنت على النقل

[فرح الشهري]

صح لسـأن الشاعر وتسلم مليــــــــــــــون على النقل المميز ابدعت في الاختيار يعطيكـ العافيه

[الودعااني]

اقتباس:
المشاركة الأصلية كتبت بواسطة أهات الجروح [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
راقت لي وابدعت يعطيك العافيه : وصح لسانك :ياحسرتي ماكنت اظنك في غرامك باب بيـت
مــــــــن يملك المفتاح ماريحٍ تزعزع حضرتـه

أهات يعااافيك ربي اشكرك يالغاليه ولاهنتي ,,

[الودعااني]

اقتباس:
المشاركة الأصلية كتبت بواسطة ولد نجد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
الودعاني انتقاء مميز كالعاده
صح لسان الشاعر
وسلمت يمينك
تقبل ودي واحترامي

ولد نجد ارحب والله ان ترحب منور فديت روحك اطراء غالي ومن غالي اشكرك ,,

[الودعااني]

اقتباس:
المشاركة الأصلية كتبت بواسطة خـڜـوفــه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ابدعت واصل واناا منن متابعينك

خشوفه اتشرف بمتابعتك اشكرك مرور غالي يالغاليه لاهنتي ,,

[رشيد]

سؤال : وشهو غرام الزكرته .؟