هــيضت جـرحٍ بـرى بـاللّحون الساجعه

[الودعااني]

يـا لـحـونٍ سـاجعـه جـرته ورقـا عـصر
هــيضت جـرحٍ بـرى بـاللّحون الساجعه

ويـا حمام الـــورق تكفى مـعد فيني صبر
الذخاير كـملت .. والعزاوي ضـــايـــــعه

قم تعال اكشف لك الصدر .. واللي فالصدر
والـصدر مــن ضيقتٍ به عـيوني دامــعـــه

يـا وجودي وجـــد من حط أخيّـه بالـقبــر
ثارت الـبـندق خطا .. والبلاوي واقعـــه

والـبلا انهـا من يمـينه وزاويه القهـــــــر
كل ما طروه ضــاقت عليه الواســــعــــه

عزوتٍ لــه فالشدايد .. وفالضيقة ظهــــر
وده أن له حيل فالموت دونه مـانــــعــــه

أغبنوه اللي لهم لآبه بخون وغــــــــــدر
وماله إلا شيبتٍ لـــه عظامه واجعـــــــه

كن في جوفه من الغبن نيرآن وجمــر
وراضيٍ بالـلي كِتب له ونفسه قانعـه

فوق هـذا يا حمامه .. مخاليب الدهــر
آتهقوى فالـليالي واثرها خادعـــــــــه

والرفيق الـلي قطع لا علوم .. ولا خبـر
صــدة الغالي عليـنا سوات الـفاجـعــــه

والخطا اللي مـا تـقفاه لـلمخطي عـــذر
ما درى انه ضاع واخطى قليل الرابعه

والغلا اللي ضاع بين التغلي .. والهـجر
يحسب انه لا جــــــفاني وقفى تابــعـــــه

والهوى اللي يـورِد الرجل للموت الحَـمر
بايعه نفسي عــــــزيزهـ تراني باــــيعـــه

قيل في عرض المثل من يقدر له قَدر
و دوم يا بوطبيع ضاري عـلى طبايعه

الحظوظ قسوم من خلقت الدنيا قِـــــدر
والبْنآدم ما يجي يــوم نفسه شابعـــه ..




الشاعر : عبدالهادي الهاجري ,,

 

 

 

 

 

 

 

 

توقيع : الودعااني

من صاحبـي زلتـه لاجـات امشيهـا امــا عـلى حشـمته والآ لشيبانه اطـا عليها ولا كنـي بـمـوحـيها واصد عنها وابرر غلـطـة لسـانه واحسب عواقيبها والله يـعـديـهــا من خوف لايدري الحاقد وشـيـطانه

[روعة الاحساس]

يعطيك الف عافيه قصيده اكثر من رائعه
تستحق التقييم

[الودعااني]

اقتباس:
المشاركة الأصلية كتبت بواسطة روعة الاحساس [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
يعطيك الف عافيه قصيده اكثر من رائعه
تستحق التقييم

روعة الاحساس يعااافيك ربي الروعه هو تواجدك الراقي اشكرك ,,