( اشبعتني من غيبتك وارويتني حزن وسهر )

[محمد بن عبدالهادي المري]

السلام عليكم ورحمة الله وبركاته

اسعد الله جميع اوقاتكم حبايبي قريب وبعيد المتواجدين والغير متواجدين

اجدد التواصل معكم بهذه القصيده من بعد الاجازه المبروكه





ياليل جيت وفي مجيك هاجس القلب احتدم
ـــــــــــــــــــــــــــ الهاجس اللي في قدومك للمجاريح اشتهر

غزيتني وانا صويب ٍ في وطن حبه خدم
ـــــــــــــــــــــــــــ وضحيت بي لكن تعلمت ودرست من الدهر

ان الهوى ناقص قلوب ٍ وافيه كذب وندم
ــــــــــــــــــــــــــــ وان الوفاء عند اليدين القاصره حزن وقهر

وانا عساني يا حبيبي من وجودك ما عدم
ــــــــــــــــــــــــــ اشبعتني من غيبتك وارويتني حزن وسهر

بنيت بك حلم على سطح الاماني وانهدم
ـــــــــــــــــــــــــــ انهد في لمح البصر وبنايته في كم شهر

يا وجد حالي وجد منهو بالمقادير اصتدم
ـــــــــــــــــــــــــــــ وضاقت به الدنيا وهو ماله حزام ولا ظهر

امسى على ضحك ٍ من امه لكن الصبح انصدم
ــــــــــــــــــــــــــــــ توفت امه وانطعن فالكبد والقلب انصهر

وقعد يون من الالم ما عاد سار به القدم
ـــــــــــــــــــــــــــــــ يكتم ونينه وان تذكر ضحكها لجله جهر

عليك ياللي رغم بعدك في خفوقي لك خدم
ـــــــــــــــــــــــــــــ وان جابك الطاري لقلبي فاح ريحان وزهر

محبتك ماهي جديده في حياتي من قدم
ــــــــــــــــــــــــــــ دفعت فيها راحتي ورقاد عيني لك مهر

وغديت مثل اللي على ربه من الدنيا قدم
ــــــــــــــــــــــــــ والا صويب ٍ طعنته فالصدر والا فالظهر

اسرفت في حالي عساني من وجودك ما عدم
ـــــــــــــــــــــــــــ حتى لو ان حبك مكلفني وملحقني سهر






وسلامتكم فديتكم

 

 

 

 

 

 

 

 

[قايدة الريم]

_

وعليكم آلسلآم ورحمةة الله وبركآته


يا وجد حالي وجد منهو بالمقادير اصتدم
ـــــــــــــــــ......ــــــــــــ وضاقت به الدنيا وهو ماله حزام ولا ظهر
امسى على ضحك ٍ من امه لكن الصبح انصدم
ــ........... ــــــــــــــــ توفت امه وانطعن فالكبد والقلب انصهر

بيتين ولآ آجمل
قصيده اخذت نصيبا وافرا من الجمال والعذوبه
صح الله لسآنك يَ المري , دمت مبدع

[الفلوه]

محمد بن عبدالهادي المري
اخي القصيدماتبطي علينا الاومعك من جمال الشعر احلاة
قصيدة عاودت قراءتها لرقي ابياتها وعذوبة قلم رائع ك قلمك
عطرت اركان الكون بوردقصيدك
تسلم والله عنوان قصيدك يشد القاري ايرتوي من نهر ابداعك
صباحك بقطرات مطروندي علي زهرتقيمي لشخصك

[بنت الخليج]

صح السانك محمد بن عبد الهادي احساس شاعر جزل
تحيتي لك واطلع لما تقدم

[روابي]

صح لسااانك
يعطيك العااافيه

[فراشة]

,

الله عليك يّ المريّ تبطيّ بس لارجعت تجيب الغنآآآيم
صح لسانك وقلبك ولاهنت ..
والحمدلله على السلآآمه ..

[مجازفف]

صح الله لسانك
صراحة قافيه جميله وحبكة شاعر .,,,,,

[عامر صالح ال شنيف]

ارحب ثم ارحب
وعليك السلام ورحمة الله وبركاته
حيااك ااالله ي ااالغااالي
وصح صح صح صح الله السااانك وعتلا شااانك
مبدع ونص ابداااع من شااعر مخبووور بالجزااله والابدااع
اشبعتني وارويتين شعر فلله درك من شااعر
تقبل مروري المتواااضع

[قـاصد كـريم]

اقتباس امسى على ضحك ٍ من امه لكن الصبح انصدم ــــــــــــــــــــــــــــــ توفت امه وانطعن فالكبد والقلب انصهر وقعد يون من الالم ما عاد سار به القدم ـــــــــــــــــــــــــــــــ يكتم ونينه وان تذكر ضحكها لجله جهر

صح لسانك يالمري لاهنت

[فهد الهباش]

أنا عاد يا بو حميد ، اشوف لك موضوع بالقسم اجي سعي اي والله..
لاني ابي ارتوي بالشعر العذب من العذب محمد المري...
وكل مره احصل القصيدة احلى من اللي قبلها بالرغم اللي قبلها مثلها واحلا
وش اقول واخلي ، الله يحفظك يارب...
انا اتابع قصيدك لكي استمتع فقط ، والا فانك غني عن المدح..
ودي واعجابي وتقيمي كعادتي مع جديدكـ لبا قلبكـ!