ساحة الشعراء وابداعاتهم تعال شاركنا ببيت او بيتين

[سحابة الطائف]

جرحتني جرحين في وقت واحد

جرح الفراق وجرح ذكرى التلاقي

وخذت قلبي وانت منكر وجاحد

وأكبر مصيبه رحت والحب باقي

 

 

 

 

 

 

 

 

[سحابة الطائف]

علام خلي بالقطاعه جزاني

وانا على عهد الهوى ماتبدلت

يقول وقتي بالزمان يحداني

وانا أدري انه ماصدق بس كملت

[سحابة الطائف]

مظلوم يا دفتر على طول مفتوح,,,,,,,,,اغرقتة بحبري ولا جيت شلته
خل الجروح تعيش مع شلة جروح,,,,,,,,الله كريم يعالج اللي جرحته

[سحابة الطائف]

عرفت معنى البعد من يوم ماغبت ,,,,,,, ومعك عرفت أن الهوى كله غياب

[محمد الشريف]

ياسلام ابداع ياسحابه حياك الله بعد الغيبه
نورتي المتصفح والمنتدى بأكمله

[سحابة الطائف]

اقتباس المشاركة الأصلية كتبت بواسطة محمد الشريف ياسلام ابداع ياسحابه حياك الله بعد الغيبه نورتي المتصفح والمنتدى بأكمله

النور نورك ونورالمتواجدين
شكرا لك

[محمد الشريف]

من بعد ماعلقتني بك تغليــــــت
.... وتقول عندي يامحمـــــد دراســــه

وانا ادري انك كاذبٍ يوم صديت
.... تبغى المفارق والمفارق خساسه

[سحابة الطائف]

اللي فقدني يوم أنا غبت وأبطيت,,,,,,,,يعيش طول العمرمرفوع راسه
غيبه ولكن بعدها جيت وألفيت,,,,,,,,,,,,للمنتدى إشتقت وإحتجت ناسه
لايامحمد لاتقول إن أنا جيت,,,,,,,,,,,,,أكذب عليك بحجتي بالدراسه
الكذب موطبعي ولابه تسليت,,,,,,,,,,,حتى ولو كان الزمن فإنتكاسه
وإذا على الفرقا فأنا ماتخليت,,,,,,,,,,,قلبي جريح وعظم الله باسه

[سحابة الطائف]

. وجع حب وجع شعر وجع شوق وجع ضيقة

على كيفك وهاك اختار هذي سلة أوجاعي .

. أكمل لك وجع خوف ووجع فقر ووجع ضيقة

وعلى كيفك ترتبني حلالك بالغلا أوجاعي .

[قـاصد كـريم]

على وفاته فايت اليوم حولين
أبوه وامه لو نسوا مانسيته


انا اشهد ان الموت ماهو بتخمين
ولا ينفعه لو بالكلام افتديته

عليه دمع العين وحده وثنتين
ولاني بخابر حي قبله بكيته

صحيح مامن مال عنده ولا شين
لكن يقوم بلازمك لانصيته

اذا نخيته جا لو الساق نصين
حيثه من اللي ينتخي لانخيته


بيبان بيته فتّح اربع وعشرين
ضيوف تال الليل ينصون بيته


الله يرحمه