يالله

[ابـونايف الروقي]

بسم الله سلام عليكم متواضعه اتمنى ان تنال اعجباكم

عديت في رجم(ن) طويـل لحالـي\\\\ورا العلا فـي عاليـات الدناقيـر
رجم(ن) رقيته يوم مـال الظلالـي\\\\فيه الجوازي راتعـات ومخاديـر
ذكرت في راس الحجـا ماطرالـي\\\\شي(ن) بهمه فجر القلـب تفجيـر
واليوم قاعد فـي طويـل الظلالـي\\\\ماغار قاعد وانتظر ويش بيصيـر
يالله يـاراع الكـرم والجـلالـي\\\\ياربنا تكتـب لنـا خاتمـة خيـر
يالله يامنشـي صـدوق الخيـالـي\\\\يامحيي الواد السنـا بـا لشخاتيـر
يارب ترحمنـي وتلطـف بحالـي\\\\يالخالق الـرازق ولـي المقاديـر
ربي دخيلك من حمى كـل صالـي\\\\واني دخيلك من لهايـب زمهريـر
تغفر ذنوبي يـوم حشـر الهوالـي\\\\نهار حشر الجن والانس و الطيـر
دنين كفـى الله شرهـا باحتيالـي\\\\مر(ن) على وجهه ومر(ن)على غير
ومر(ن) تذبـك مثـل ذب المدالـي\\\\ومر(ن) تزين لك على كل تقديـر
ولالاي اوسع خاطـري بابتهالـي\\\\احرق كما بن (ن) على لاهب الكير
وهـذا كلامـي ياكـرام السبالـي\\\\اللي لكـم عنـدي معـزه وتقديـر
تمت وصلـى الله عـداد الرمالـي\\\\على نبي (ن) نور الحـق تنويـر

 

 

 

 

 

 

 

 

[الماسـه]

مآشآء الله
صح لسآانك ابو نآيف
شآعر + مبدع
الله يحفظك يآارب

[سعيد محمد القحطاني]

عليكم السلام يالله انك تحيه وماجابه
ابو نايف صح لسانك وعلى شانك
قصيده مؤثره الله يرحمنا برحمته
تقبل تحيات اخوك سعيد ولاهنت

[فهد ثامر البقمي]

صح السانك يا بو نايف ولا هنت
على هذه الرائعه جزله من راس جزل
تحياتي وتقديري

[محمد الختلان]

صح لسآنكـ يآبونآيف
قصيدة تحمل طآبع آلشعر آلاصيل
سعدت بمروري هنآ

[عامر صالح ال شنيف]

يا هلا وغلا فيك
أبو نايف
صح الله السانك وعتلا شانك ي الغالي
لا هنت وبيض الله وجهك على هالدره الغالية
بنتظار القادم تقبل مروري المتواضع

[بنت الروقه]

ي مرحبااا يـ ابونايف
صح لسآآنك مليوون
وبيض الله وجهك
تسلم ويسلم أحساسك..
دمت بــ خير وسعآآدهـ ..؛

[هوى الغربي]

صح لسانك يابو نايف

شاعر جميل تقبل تحياتي

[عبد العزيز الهزاع]

يالله يـاراع الكـرم والجـلالـي\\\\ياربنا تكتـب لنـا خاتمـة خيـر
يالله يامنشـي صـدوق الخيـالـي\\\\يامحيي الواد السنـا بـا لشخاتيـر
يارب ترحمنـي وتلطـف بحالـي\\\\يالخالق الـرازق ولـي المقاديـر
ربي دخيلك من حمى كـل صالـي\\\\واني دخيلك من لهايـب زمهريـر


صح لسانك وما قصرت يا الغالي
شاعر ولا فيك حيلة
تقبل مروري وموفور الاحترام
أخوكـ
عبد العزيز الهزاع

[خالد العبيريد]

حيااااااااااااك الله يابو نااايف وعليكم السلام والررحمه ,,

صح الله لساااااااانك وصح قلبك وكلك ولاهنت يالجزل ابيات مثيره جدا ً ,,

شكري وتقديري لك وفي انتظار المزيد .