مايجيها سايق الكامري والبرقهام

[سعيد محمد القحطاني]

بسم الله الرحمن الرحيم

أعزائي الاحبه طابت اوقاتكم احييكم مرةاخرى
اجمل التحيا المعطره بأجمل وافخر انواع العطر
واقدم لكم ابيات متواضعه امل ترتقي لااذيقتكم

ألقصيده قلتها ايام دراستي الثانويه
بالرياض واشتقت لا الديره


مدخل
اه واعزي لحالي وياقل سفري
من عرفتك والشقاء يحتريني واحتريه





كل ماسجيت هبت ذعاذيع الهبوب
..............من ديار كل يوم يباشرها الغمام

وعذبتني ضيقة البال ساعات الغروب
..........لين جريت الطويله ولاحيت الحمام

ماحلا شوت السفاري على خط الجنوب
....صوب دارن شوف اهلها مرادي والمرام

مايقرب دارهم كود ممتاز الجيوب
..........يقرب المنزاح لاحال من دونه عسام

زين حسه لاتسند معا ذيك الدروب
..........مايجيها سايق الكامري والبرقهام

ياوليفي والله اني على الامر مغلوب
..........لاتشكك في غيابي وتلحقني ملام

بيني وبينك عهودن على عز القلوب
..................ماتغيرها النمايم ونقال الكلام

والله انك غاليٍ عند خلك ومحسوب
...........كل شي الا الزعل منك ياريم العدام

ان نظرتك نورت وأسفرت من كل صوب
.وان فقدتك يصبح الكون في وجهي ظلام

استحل القلب حبك يجوب الصدر جوب
.......فارضن حضر التجول وله سلطة نظام



محرج
لعنبو من تامرينه ولا قال ابشري
لو تحدينه على شي مايقدر عليه

 

 

 

 

 

 

 

 

توقيع : سعيد محمد القحطاني

  __༼࿄ཽ༽__ཬ་⌒་ར__༼࿄ཽ༽__ اللهم إن شوقنا لشهرك قد زاد فيارب لا تحرمنا وأحبتنا من صيامه وقيامه .. أجاب الله لكم الدعاء وأبعد عنكم البلاء ورفع شأنكم في الأرض والسماء .. مبارك عليكم الشهر كل عام وانتم بخير  اعضاء لهم وحشه (سلطان المري) (جابر اليامي) سعيد محمد القحطاني

[خالد البقمي]

صح لسانك
نص رائع
ابداع يالغالي
ماننحرم من جديدك

[الماسـه]

صح لسآانك شآعرنآا
قديمك وجديدك كله رآئع . .
الله يحفظك ويحميك يآارب

[محمد بن عبدالهادي المري]

ياوليفي والله اني على الامر مغلوب
..........لاتشكك في غيابي وتلحقني ملام

بيني وبينك عهودن على عز القلوب
..................ماتغيرها النمايم ونقال الكلام


ابيض وجه يا ابو محمد جمل الله حالك وصح الله لسانك

انشهد انها ارتقت للاذوواق وجازت للاحاسيس


لاهنت يالغالي وافي بجميع حالاتك

[فراشة]

سح لسانك .. ومافيك حيلة سوا بالجديد او القديم دوم مبدع
..تسلم لنآآ الايادي .
.امتناني.

[المطنوووخهـ]

ان نظرتك نورت وأسفرت من كل صوب
.وان فقدتك يصبح الكون في وجهي ظلام
استحل القلب حبك يجوب الصدر جوب
.......فارضن حضر التجول وله سلطة نظام

لعنبو من تامرينه ولا قال ابشري

صح لسانك وبيض الله وجهك قصيده كايفه ومخرج جاز لي كثييير

[عامر صالح ال شنيف]

سيعد محمد القحطاني
أسعدني وشرفني تواجدي على هالمتصفح الطاهر
صح الله السانك وعتلا شانك يا القرم
تقبل مروري المتواضع اخوك عامر

[الرايق]

مبدع ياسعيد

[سعيد محمد القحطاني]

اقتباس المشاركة الأصلية كتبت بواسطة خالد البقمي صح لسانك نص رائع ابداع يالغالي ماننحرم من جديدك

خالد البقمي صح بدنك طال
عمرك والف شكر على مرورك الكريم والله لايهينك
تحياتي لك وتقديري

[سعيد محمد القحطاني]

الماسه ياهلاوغلا الله يحفظك اختي
الكريمه مشكوره على مرورك الكريم ولاهنتي