ذكرى الفراق .. سهيل يقول حياكم

[عبدالرحمن بن عبدالمحسن]

السلام عليكم ورحمة الله وبركاته
في البداية أقول حياكم في ضيافة هالابيات اللي أعتذر قبلها عن الانقطاع الطويل وهو والله من الارتباطات وقلة الفراغ ولكن حبينا اليوم نكتب لكم أبيات مقتطفة من قصيدة طويلة شكر لهامة إجتماعية كبيرة لكن حبينا نأخذ لكم ما نتأمل من خلاله على الظفر بإعجابكم وإستحسانكم .

على ذكرى الفراق اللي على شانه دموع العين ..
على خدي تناثر والمحاجر ما تطاوعني
أصبرها وأقول إن عاقبة جور السنين تزين ..
لكنها قبل لا أواسي محاجرها تسابقني
فراق ما يعرفه غير من فارق حدا الاثنين ..
تجرع كلمة فراق الحياة بكل ما تعني
تغفلنا الحياة من الصدوف الموجعات سنين ..
وأنا رجل غفيت ولا وعيت الا وتفجعني
خذت شوفي وسمعي والحكي في جلسة السالين ..
وقفت كلها من دون حتى ما توادعني
ومن هذا المنبر أشكر كل من وقف لي في مامر علي من ظروف واقول
انا بعد أبوي وفي اللزوم الشين قبل الزين ..
وعسى سود الليال لردة المعروف تمهلني
وســـــــــــــــلامتكم,,

 

 

 

 

 

 

 

 

توقيع : عبدالرحمن بن عبدالمحسن

أقسى كلامي لك رجاء .. وأعذب كلامك لي جروح [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[رمق]

ي سلآم .. عليك

صح لسآنك .. قصيده جزله .. جزله

تستآهل ++

[سعيد محمد القحطاني]

ابو عبد المحسن ارحب تراحيب المطر يالله انك تحييه وماجابه عزالله انك شاعرووافي جعلك تدوم ويفدونك الرخوم
جزل ولاتجيب الا الجزل تقبل تحيات وتقدير
اخوك سعيد ولاهنت

[مآجد المسآعد]

عبدالرحمن

صح لسسانك ي حيي

قصيده قمة الابداع والجزاله

بنتظار ابداعاتكـ

[ترانيم المطر]

الله انه محييك جزل والجزل ما يجيب الا العلوم الجزله
تقبل تحياتي وتقديري
ترانيم

[عامر صالح ال شنيف]

يا هلا وغلا بشاعرنا
صح الله لسانك وجزل بمعنى الكلمة والله لا يهينك
وبيض الله وجهك يا القرم
تقبل مروري وتقيمي

[الماسـه]

هلآابكم عبد الرحمن
وصح لسآانك .~
مبدع الله يحفظك يآارب

[عاليه]

بيض الله وجهك وصح لسانك,,
قصيده جزله واروتنا
شاعر مبدع
وتستحق التقيم وبجدارة المبدعين

[الفلوه]

عبدالرحمن بن عبدالمحسن
لاهنت أخي القدير دامت احرف شعرك
بروعتها وكلك ذوق بماخطتة لنا اناملك
وردالكون لقلب يسكنك
تقيم

[عبدالرحمن بن عبدالمحسن]

اقتباس المشاركة الأصلية كتبت بواسطة رمق ي سلآم .. عليك صح لسآنك .. قصيده جزله .. جزله تستآهل ++

صح الله بدنك .. وشهادتك نوط شرف أفتخر به على صدري .. وشكرا على التقييم
مرورك شرف ..