مختارات مجازف &** النصيه **&%

[مجازفف]

..........................................

 

 

 

 

 

 

 

 

توقيع : مجازفف

[مجازفف]

[justify] [/justify]
[justify]
[align=center][tabletext="width:70%;background-image:url('http://www.m-f6es.com/vb/backgrounds/13.gif');border:1px double deeppink;"][cell="filter:;"][align=center]

ليت الورق يقرأ وش اللي كتب فيه ...وليت القلم يدري وش اللي جرى به ....

إن كان ماتمسي بصدري مشاريه ...ولا أتضايق لو تضيق الرحابه ----
وا صوتي اللي عجزت الناس توحيه ...غريب يوم أصوات غيري تشابه ...
البيت بيتك والمواري مواريه ...لكن كبرت ولا كبر معك بابه ....
والناي لو نقض جروحك بأغانيه ...جروح غيرك نقضتها ربابه ...
ماهو يتيم إن كنت انا اللي مغنيه ...ولا هو فقير أن كان جرحي زهابه ....
والغايب اللي يغري الشعر طاريه ...ماقل قدره لو يطول غيابه ...
كم لي وأنا احث القصايد تخليه ...حتى تلاشت رغبتي في الكتابه ....
الشعر لو يفقد حروفه وأساميه ...مدري وش اللي بعدها ينبغى به ...
أحيان أقول (أبيه ) وأحيان (ما أبيه ) ...إلا ابيه ولو يبي له عذابه ....
ياللي تجونه دامني ما قدر أجيه ...وصوا (ذهابه ) لا يشح ( بإيابه ) ...
وقولوا له أني من كثر ماني أغليه ....أشرب ( سرابه ) وأرتوي من سرابه ...
على كثر ماأنسى إذا قلت (ناسيه) ..دار الزمان وجاب عشقه وجابه ...
حنيت لأيامه وضحكة لياليه ...(قبله وبعده) كل وقتي رتابه ..
البارحه (قلت : أكسر الروح وأنهيه ) ...كان الورق (أرض) وعيوني (سحابه) ...
زرعت ( ما أحبه ) ولا عاد لي فيه ...وجنيت ( أحبه ) لو يطول غــيابه !

المبدع محمد الحويماني

[/align][/cell][/tabletext][/align]
[/justify]

[مجازفف]

على [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]وش اخبـارك

..........وش اخبار الغرام اللي سكن في داخل اعيونـك

وعلى [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]صباح الورد من نسمات ازهـارك

..............صباح الياسمينه.. ياعبير الـورد.. يـا لونـك

أنام بحضنك الدافي.. واعيش بعالـم اشعـارك

......يصحيني غلاك العذب.. وامسي بدافي شجونـك


حبيبي.. ياحبيبي.. كل هالدنيـا.. لـي تبـارك

..........تبارك والله لقلبـي.. لانـي صـرت مفتونـك

انا بختااااار قلبك.....تدري آنا بكلـك اختـارك

......عيونك..مبسمك..طول ك..وليلٍ ظافـي متونـك

بقى صوتك مع همسك.. وهـذا قمـة ابهـارك

......يغار السمع من همسك..اجل لا تلوم مضنونـك

اذوب.. ان جابك الطاري.. وأهيم بعالم ابحارك

......انا الغرقان في حبك.. ومرسي حبـي اجفونـك

على هونك على قلبي.. ترى ما اقوى تبختـارك

.....دخيلك لا تضيعني.. ترفق بـي علـى هونـك

اروح..ابعد..اسافر..ياحبيبـي وارجـع لـدارك

......تخيل ودي اخونك.. وقلبـي يرفـض يخونـك

وتخيل تخطي بحقي.. وأنا ارفض ما بي اعذارك

......لانك كل ما تخطي..ازيـدك عشـق واصونـك

واجيك العاشق الهايم.. واقول آسف لمقـدارك

......انا المخطـي بحقـك.. والعـواذل لا يهمونـك

حبيبي.. ما أبي جنتـك ؟؟انـا والله ابـي نـارك

......تسميهـا جنـون الحب....انـا والله مجنونـك

على فكره ..وش الدنيا بلا طاريـك واخبارك

....قسم بالله ما تسوى.. ولاهي شـي مـن دونـك

[هايدي الحلوه]

لله دررررك
يامـــجـــــازفف

[حلم~]

اقتباس المشاركة الأصلية كتبت بواسطة مجازفف [frame="7 80"] دايم يجي من بيني وبينك خناق .. .......... وتطوّل لسانك واطوّل لساني ! وتسبني وتروح وتشين الاخلاق .. .......... واحس في ضيقه واغير مكاني ! و لا من تفارقنا تعذبنا الاشواق .. .......... وكلٍ يجي الثاني من الشوق عاني ! وناخذ بعضنا لهفه وضم وعناق .. .......... ونرتب الليله غرام واماني ! وقبل انتفارق نرجع هواش وخناق .. .......... وتطول لسانك واطول لساني ! ونبقى على الروتين عدوان عشّاق .. .......... واسرق جمالك وانت تسرق حناني .. هذي طراة الحب في وسط الاعماق .. .......... مافيه لا مجني ولا فيه جاني ! حبٍ ما فيه دموع وغياب وفراق .. .......... سلم عليه وشوف لك حب ثاني .. [/frame]

روعةةةةةةةةةة

[مجازفف]

ذب الملامة لطيش الريـح ي عنـادي
واقتل جفاف الحنايـا واهدنـي غيمـة

الليل دمعـة غريـب ولهفـة منـادي
والفجـر قدسيـة المنفـي وتعظيمـة



والحزن ذود بـدوي(ن) والتعـب وادي
والـروح سـدرة تخطفهـا مجاهيمـة



والقلب لا شرعوا باب السهـر غـادي
قنديل قرم(ن) معلق في نحـر خيمـة



يا حادي العيس صمت البارحة سـادي
وانا بصدري حكـي واحزانـي مقيمـة



لا أرض حست ولا حست بي أعيـادي
هو من متى السجن يدري عن مظاليمة



تعبـت والله ورب محـمـد الـهـادي
أنفض يدي من عبث وقتي ومن ضيمة



وان مل جفني وصار من التعب صادي
هزيت جـذع الكـلام وطـاح ترنيمـة



ترنيمة(ن) تستفـز السطـر لمـدادي
لين يتساقط على كف الـورق ديمـة



شرق وغرب ي حادي العيس يا حادي
أذن وكبـر وللمـحـراب تسليـمـة



أخوك لو عيفـوه الشـرب والـزادي
يموت مـا بـدل البسمـة بتجهيمـه



ماني مجرد خبـر مـن ذبذبـة رادي
ولاني بدمع(ن) تشرد من هدب ريمـة



من يوم وانا أحترك في لفـة مهـادي
والصدر بيت اجودي كثـروا معازيمـة



أكبر .. وتكبر معي نظـرات حسـادي
وان مت ماعد يصير لحاسـدي قيمـة



مثل السمك لو يجف محيطـه الهـادي
يذبل وتذبل علـى التربـة خياشيمـه



عامين والسوسنة من شرفة الكـادي
تقعد هجوس الكـلام البكـر وتقيمـة


لين استقل الرعـد واستسلـم الـوادي
والبرق شعشع وفض بكـارة الغيمـة

[مجازفف]

[align=center][tabletext="width:70%;background-image:url('http://www.m-f6es.com/vb/backgrounds/15.gif');border:5px double burlywood;"][cell="filter:;"][align=center]
يابنت ياللي تبيعين الكلام // عينٍ ماترجيك لا ترجينها..
منادمات المشاعر والغرام // صرفت عنها النظر من حينها
لعيون بنتٍ ليا حل الظلام // يسري غلاها على مغلينها..
هيفا خواصر .. وممشوقة قوام // ما الله عطا قلبها من لينها !
لاعرضّت ماعليها الا اللثام // وأرخت هدبها ولدت عينها..
خلت قلوب البشر مثل الحمام // يوم يتطاير تحت رجلينها
وان طبت الحفل وعيون الانام // مواكب .. يسارها ويمينها..
تمشي من التيه كن بيض النعام // يحول بين التراب وبينها
ان عوّد الغيم قالت : للامام // وان بانت الشمس قالت : وينها ؟؟
مثل انكسار الاناره في الرخام // تماوج الحسن في خدينها !!
ياعاذلين (اخذوا من العمر عام) // وخلوني اموت بين اثنينها..
أوّل بشر قال للدنيا : ســــــــــلام // ( اللي بدينه يكمّل دينها))
-
-
مطلق ابن شويه
[/align][/cell][/tabletext][/align]

[رمق]

ياسلآم يامطلق .. مافيك حيله

يعطيك العافيه يامجازفف متصفح رآئع ورآقي

[مجازفف]

ياصاحبي وقف هنا بـس لحظـات
..............واقرا كلام القلب بانتاج فكـري
رسالة ً ترسل من الذات للـذات
..............ياللي ملكت امن الغلا وانت تدري
مشيت معك الدرب لو به متاهات
..............وسقت القدم لو الثمن دفع عمري
مديت لك كفي ولا قلت لك هات
..............وقدرت قدرك وانت نزلت قدري
وخليتني ما بين هـم ً وضيقـات
..............وانا اتصبر بس مـا فـاد صبـري
لا تعتذر واتقـول غلطـه وزلات
..............منت الرفيق اللي على خبر خبـري

[مجازفف]

من قال لازالت حياتي كما هي ?
شفني ضحكت وزال مخزون همّي

يعني الشجر بيعيش لو مالقى الميّ؟
هذي حياتي لين ماجيت يمّي

ما جيت تدعي تاج الإحساس للغي
جيت بحنان يقول / لبيه .. سمّي

حولت قلب ٍ مات مبطي إلي حي
وكفيت دمعٍ بلل اطراف كمّي

تبني غرامك داخلي شوي بشوي
حتى روتك عروق نبضي ودمّي

حرقة هجيري عانقت جنة الفيّ
ونسناس فجري بالسعاده يومّي

كل الليالي تعيش بك فرحة الضيّ
ضمك خفوقي والمشاعر تسمّي

نعمة مطرك وكل إحساس بك لي
مجنا فرح من جذع حزني وغمّي

عمري بدونك تدري انه ولا شي
كني يتيمه وابكي الشوق لـ امّي