..........مابين العمل وأهله...........

[تركي صنهات]

السلام عليكم

عذرا على قلة التواصل

وعسى هذه الابيات تشفع لي عندكم

سرى الموتر اللي ماشكى طقة الشاكوش....
....بعد ساتر الضلماء على كونه أسدلته
قديم الطراز اللي ليا نشت أبنصه نوش....
....من النوش كنه بك يشمر عن أزفلته
يبا الديره اللي يمها يحتديه العوش....
....بها عيشتن ماهي بمغنيته أسملته
تجودبها اللي من سببها غدا منهوش....
....على شان من هي تسعة شهور حاملته
يحوش السهر من شانها نوم عينه حوش...
....ليا غط له غطه طرت في مخيلته
وفز وتركز في فراشه وهو مدهوش....
.......يخاف انه يقصر بواجب مدللته
وغير أمه أختن له تساوت مع المفروش....
......على كل تأهيلي من العام جادلته
عسى الله يشافي كل من يشتكي ويحوش....
....عنه علته يالين يرجع لعايلته
وراحت حيات مغربل الحال هوش بهوش....
....مابين العمل وأهله وليله وقايلته

وسلامتكم

 

 

 

 

 

 

 

 

توقيع : تركي صنهات

أنزرع حبك بقلبي وأورقى ــــــــــــــ بعد شفتك فالبدايه يوم جيت أحسب أنك من نهايات الشقى ــــــــــــ وأثرك اللي له بدايه مادريت tur .ky1909@hotmail.com

[سعيد محمد القحطاني]

ابو صنهات صح لسانك ي غالي والله يخليك
لهم انشالله ويعين على الدنيا بخير ويكفي
انك حاس جعلك تسلم بعضهم حملٍ ثقيل
على امه وخواته جعله فداك تحيات اخوك سعيد والاهنت

[رمق]

صح لسآنك ..

الله يعيــنك .. ويعين الجميع

[تركي صنهات]

اقتباس المشاركة الأصلية كتبت بواسطة سعيد محمد القحطاني ابو صنهات صح لسانك ي غالي والله يخليك لهم انشالله ويعين على الدنيا بخير ويكفي انك حاس جعلك تسلم بعضهم حملٍ ثقيل على امه وخواته جعله فداك تحيات اخوك سعيد والاهنت

ابو محمد

صح بدنك

غمرتني شرف بمرورك

عسى يفداك اللي مايسواك

ويتقبل دعواتك

فأهلا بك في القلب

[تركي صنهات]

اقتباس المشاركة الأصلية كتبت بواسطة رمق صح لسآنك .. الله يعيــنك .. ويعين الجميع

رمق


غمرتيني شرفا

بمرورك العطر

صح بدنك

وجزاك الله خير

وأعانني وياك وأحواننا المسلمين

شكرا لك

[هوى الغربي]

من أروع ما قراءت صح لسانك ياجميل .وأتمنى ان لا ينقطع هذا الجمال
تحيه معطره لك أخ تركي ودعواتي لك بالتوفيق

[محمد بن عبدالهادي المري]

صح الله لسانك يا تركي وبيض الله وجهك


الله يوفق الجميع

[اغليك يابن فطيس من مغليك]

صح السانك ولاهنت
ابيات جميله
احترااااامي