كآن الشعر عـنـدي مجـرّد هــوآيـة !!

[فهد الهباش]

كآن الشعر عـنـدي مجـرّد هــوآيـة
لا ضآق صدري قمت أهلّه وأغـنّـيه

واليوم صآر الشعر عندي وصـآيـه
مجبور أحفْظَهْ واكتب اجزل معانيه

دآمـه مـهـر ، من صآر للقلب غـآيـه
اللّي بعيني ، من الشماميت أدآريـه

بـبـدآ عـسـى ، مآ هي نـهآيـة بـدآية
عـسـى يدوم الشعر ، لعيون رآعـيـه

حـبـيـت مـن يـبـدع بـفـن الرمـايـه
مـن نـظـرة العيـنـين سهمه يقـدّيـه

مصـوّبــن سـهـمـه بـلـيّـا درآيـه
ومرمــاه قـلـبي يوم طابت مراميه

واليوم قلبي في سـريــر العـنـايـه
خطر علـيـه المـوت لا غاب غالـيـه

أقـرأ عـلى نفـسـي واقول الهدايه
الحـب صعب ومـا لنا فـي بـلاويـه

واثـر المحبّـه ما لـهـا الّا الغـوايه
ودّي ولا ودّي عـسـى الله يـغـويه

بأنثر خواطـر قلب وأنثر روايـه
وأكتب له من الشعر شيّن مخفّيه

والله لأجيبه في هوى القلب تآيه
دامه بـدا المشوار ماني بمـنـهيه

حــنّــا تـعـلّـمنـا مـن الحـب آيــه
درب الهوى ماكل من حب ماشيه

وانا مشيت الدرب حتّى النهايه
ليه الثقل والحب فالقلب مظنيه

هـيّـا تـعـالـي دام للحـب رآيـه!!
داوي جروح القلب ياللي جرحتيه !


فهد ،،

 

 

 

 

 

 

 

 

توقيع : فهد الهباش

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] الآدمي لو كل شيٍّ بشوره = ما ضاق من دنيا العنا والغرابيل لا شك من لا صار نفسه صبوره = حكوا به العالم قروم ومهابيل[/poem]

[ذيب السهول]

صح لسانك ,
ابيات جميلة .
تحياتي لك.

[محمد الوريكي]

فهد وانا اخوك انت تعرف شهادتي

فيك مجروحه بيض الله وجهك

ورحم الله ولديك قصيده وافيه وجزله

سلمت يمناك لاعدمناك

احلا تقييم لطلق شنب

[سعيد محمد القحطاني]

واليوم قلبي في سـريــر العـنـايـه
خطر علـيـه المـوت لا غاب غالـيـه
يطيب لـــي ان من اول من يستقبل هالدرر
الثمينه اخي فهد الهباش صح الله
لسانك اخترت هذا البيت مع ان ألقصيده من الصعب
اختيار بيتٍ على بيت مثل ذود رعا الابل اللي كلها
بنات بعير وغالياتٍ عنده بس اقول بيض الله وجهك
يعلم الله اني ضيقٍ صدري مريت بالصدفه والان
صار صدري أوسع من الدهنا اخي فهد اعذرني على
الإطالة واذا خانني التعبير. فالمطاليق يعذرون تقبل
تحيات وتقدير وتقيييم اخوك سعيد وفي أمان الله وحفظه

لبى كل الهبابيش عشااااانك

[الماسـه]

صح لسآنك فهد
دائما قصائدك تعجبني
لآنها تكون معبره أحسها
وتبدع فيهآ الله يحفظك يآرب

[رائد العصيمي]

صح لسانك يابوهباش

مافيك حيلة

مبدع ونصك جميل جدآ جدآ

مازلت اراهن عليك بأنك من فحول الشعر القادمة للساحة

لاهنت

[رمق]

صح لسانك .. صح لسانك

ولله انه دررره ..

لآهنت ..

[سعيد الهباش]

تسلم يمينك اللي ماتكتب الى جزل.....الله يسعد ايامك

[سـ ع ـد الأسمري]

صح لسآنك ي بطل ..
جميل جدآ بكل صرآحة ..

وشهادتي فيك مجروحه

[الفلوه]

فهد الهباش
لاهنت خيي وتسلم يمناك
يعطيك الف عافيه
دمت بسعادهـ ...ورد الكون لسموحرفك