افكار

[الرايق]

بسم الله الرحمن الرحيم
والصلاة والسلام على اشرف الانبياء والمرسلين محمد عليه افضل الصلاة والتسليم
هذا قصيده جديده اتمنى تنال اعجباكم

افكار تطري على بالي مثل الخفارات
وربك يعين الحال والله يعينه
اعتبار نضرب للي مايستحق الاعتبارات
ومادري وين زينه وين شينه
لاتحسب الدرب كله مسرات
لابد قبل الفرح تلقى غبينه
تذكر من لها مواقف وكرات
الله يعزه وتسلم يمينه
بتمر زوواياه وسط الممرات
بعض المواقف قلبك بيظهر ونينه
وولع فصدري من الشوق جمرات
وانا اتكلم ودي امسك يدينه
ماهيب مرة ياليت مرات
لان قلبي ناقص حنينه
اصدق كلام يجي من قله العبارات
خير من هرج طويل صاحبه مايبينه
في الطريق الامنعطاف جاي بدون اشارات
لانه اظطراري يجي في وقت حينه
موب كل مرة تسلم معك كل جرات
الوقت يعطيك جده ويعطيك لينه
مبسوط مرة ومهزوم مرات
افطن كانك من العقول الفطينه
تستر واستر كل حرات
ومهما خفى قلبك بيظهر كنينه

 

 

 

 

 

 

 

 

[رائد العصيمي]

صح لسانك

القصيدة حلوة وجميل اسلوبك

طبعا انت مبتدئ والمبتدئ لابد يواجة الخلل في القصيدة حتى يصل الى الاحتراف في الشعر

القصيدة فيها خلل بالوزن وكذلك خلل بالمعنى في قليل من الابيات

اما الابيات الجميلة فكثيرة هنا

انت شاعر وباقي لك مسافة طويلة حتى تصل الى الاحتراف

اجتهد مثل مااجتهدنا وسوف تصل

لاهنت

[الرايق]

اقتباس المشاركة الأصلية كتبت بواسطة رائد العصيمي صح لسانك القصيدة حلوة وجميل اسلوبك طبعا انت مبتدئ والمبتدئ لابد يواجة الخلل في القصيدة حتى يصل الى الاحتراف في الشعر القصيدة فيها خلل بالوزن وكذلك خلل بالمعنى في قليل من الابيات اما الابيات الجميلة فكثيرة هنا انت شاعر وباقي لك مسافة طويلة حتى تصل الى الاحتراف اجتهد مثل مااجتهدنا وسوف تصل لاهنت

ودي توضحلي الخطا وين وعندي قصايد متاكد منها لايوجد فيها خلل وهاذي لااشاهد فيها الخلل واذ كان موجود

[فهد الهباش]

تسلم ع هالبوح الرائع

اخوي الرايق

تم نقل الموضوع للقسم المناسب