|!| ●● بَيَت شَعَر تُرَدِّدُه .. لاضـاق صـدُرّك ●●|!|

[قـاصد كـريم]

لا ضاق صدري من هموم تولاه=
وزاد العماس وقام صدري يفوحي
انا بلاي اللي على الرب مشكاه=
اللي محرولني وانا ازريت اروحي
لولا شراب العظم يوم اني املاه=
اكويه بالجمره ويكوي اجروحي
مع دلة صفراء على النار مركاه=
ابصر بصبتها على كيف روحي
فنجالها يشدي خضاب الخونداه=
اللي تخطى عند أهلها طموحي
لا اطق طقة محه البيض بخباه=
لا قام هاجوس الضماير يجوحي
يا مكيف الفنجال خصص هل الجاه=
راعي الجمايل قبل قن القموحي
صبه لمن هو تنثر الدم يمناه=
يثني جواده عند راعي اللدوحي
والثاني اللي ماتونا مطاياه=
يضوي اليا صكت عليه النبوحي
وعده لمن عوص النجايب تنصاه=
ريف لهن لاجا الزمان اللحوحي
دب الدهر يضحك حجاجه لمن جاه=
وقت المعاسر مارد ما يزوحي
وباقي الرجال فحول نسوان ورعاه=
ضباط مال وحافظين السروحي
وراع الردي ما احد اليا مات ينعاه=
لا صار محرومن جبان شحوحي

 

 

 

 

 

 

 

 

[فيني شقاوة الأطفال]

إن صار زود المال بيدين الانذال .....
حنّا من المعروف تندا يدينا ..........
وإن كانهم شرهوا على طيب الافعاال ...
حنّا وردنا جمامها وأرتوينا ....
..........................................
وبيت آخر ..
لو نجمع اللي فات منا من المال ...
إن كان شيدنا القصوور وبنينا ...
نعطي ولا نتبع عطانا بالاقوال ...
ونبذل ونسكت كننا ماعطينا ...
**هذي أبيات من قصيدة الشاعر :محمد الاحمد السديري ..(يرحمه الله )

[الماسـه]

ياليت لي نفس إذا ضاقت تبووووووح

ان كان من هم الليال استراحت

[دواًي شوفتك]

..

ضاق صدري من وجيه المخاليق
تعال وكحل العين بشوفتك ي نظرها

بقلمي
/

[رمق]

جيت لك عينٍ تتوق وقلب حاني
وأنت قلبك خالي وعينك خليّه

وان حداك الوقت وأبعدك وحداني
وساقتك سود الليال السرمديّه

حاول تعلم خفوقك لانساني
الخوي من عادته يذكر خويّه

لاتعلقني على باب الأماني
ولاتوردني الضما والمهمهيّه

كان ماتدري .. إدر يامودماني
والله إنك وسط هذيّه وذيّه

صاينك عن عين حسد .. وهرج شاني
وحافظك فيها مثل حفظ الوصيّه

بس قبل تروح اسمعني ثواني
وريع فبالي وفي فكري شويّه

كان ماطوعت لك عوب المعاني
قلي الذمه من الذمه بريّه

مطلق بن شويه

[قـاصد كـريم]

أعاملك بالزين لو ماانت لي زين

يمكن تحننك الليالي علينا

[قـاصد كـريم]

والله يومن فرصة العمر راحت
عرفت معها كيف طعم الحسايف

[مبارك الشمري]

شطر هع
ياصاوتي المبحوح صبرك على اللي

[الع ـابــر]

بيني وبين الابتسامه/... حاجز اسمنتي وباب..!
عيّت لا تفتح[ بابها ] ، وازريت لا اشقح سورها.


مدري( صدور الناس ما يثّر عليها الاكتئاب..؟
والا ان صدري[ يختلف ] ماهو بـ/ مثل صدورها !

[رمق]

أعمارنا مورقة وأرواحنا شابـت
والشعر ماعاد تغرينا تقاسيمـه

نقول طابت وهي والله ماطابـت
ولا كلّ كبوة من الدنيا بتعليمـه