( محمد المري + أمير الشريف )

[محمد بن عبدالهادي المري]

سلام الله سلامٍ فيه نفحآتٍ من الكمبود .... يمر اصحابنا الشعار والاعضاء في دربه

نبي نطرَب ونطرِب ربعنا يالشاعر الموجود ..... ترا اية واحدٍ من منتدى ابن فطيس نفخر به


بس اللي بيجي يخف علي شوي لاني ماني بشاعر محاوره ههههههههههههه

بس ودي العب واتعلم شوي في هذا اللون من الفن

 

 

 

 

 

 

 

 

[أمير الشريف]

هلا يامرحبا وانا حزامي في الحقو مشدود .. وفي يمناي خنجر والشمال بها مثل حربه
وانا خابر خصيمي لا احتمى ميقافنا بارود .. يدندن لي خفوقي والكفوف اليوم منطربه

[أمير الشريف]

هلا فيك يالمري .. لي الشرف اني العب معك واتعلم منك

[شبل العيادين]

هلا يامرحبا ترحيب يبني فالبلاد حدود... على حد الفضا والكون من شرقه ومن غربه

تبيها جولة فالنيل والا رحلة للذود... نقوله والبدايه خير لامسرى ولا غربه

[شبل العيادين]

صباحكم خير صحت الالسن والقلوب

شعراء مبدعين وآسف يا أمير الشريف

رديت ومادريت بردّك

المجال لك

[أمير الشريف]

صبحك الله بالنور يالغالي .. وحياك الله
بما اني سبقتك في الرد .. ودي انك تكون من جمهور هذه المحاوره الله لا يهينك ههههههه

عالعموم انت شاعر وافي وردك له وزنه والجايات اكثر .. لك مني كل الود والإخاء

[شبل العيادين]

هلا وغلا ولي الشرف متابعتك أنت ومحمد المري

[مبارك الشمري]

اللعب يابعد الردي اطربونا

يالله من متابعينكم اسلموو

نبيهاا حي مباشر

[محمد بن عبدالهادي المري]

كفو يامير والله ما عليكم زود ياهل الزود ........ هلا والملعبه مثل الهنوف الزينه الذربه

سنعها ما يقربها من النقصان والمنقود ......... وابيها مد فنجال الشعر ويقول من شَربه



هلا بالجميع تراني غفيت ههههههههههههه

شبل الله لا يهينك على الرد الووافي اللي ما يجي الا من شاعر وافي



وارحب يا مبارك

[أمير الشريف]

هلا باللي غفى عنا وجا في ثوب ريحه عود .. لو اني شفت في بعده مثل ماشفت في قربه
تحزم ياولد بقعا تـــرى عندي صحن مفرود .. وانا صايم ولا شفتــك تراني باجعلك شربه