مجاراه بسيطه لابيات لااعلم منهو قائلها

[شامان المري]

السلام عليكم ورحمة الله وبركاته

صبحــــــــــــــكم الله بالخير جميعا

حبيت اشارك كثاني مشاركه لي
وارجوا ان تحوز على اعجابكم وهي عباره عن ابيات
وصلتني لاادري منهو شاعرها لكن الابيات اعجبتني وحبيت اجاريها
واكيد سمعتوها ومرت عليكم

الابيات تقول:

وش حيلة اللي ينتظر شوف غاليه===وداره بعيده والهواتف مغاليق
اشفق على شوفه ورقمه وطاريه===واصبر واسلي خافقي بالطواريق
لبيه ياسيد المخاليق لبيه===ولبيه ياحب (ن) سكن فــ المعاليق
عجل على اللي بيح البعد خافيه===بين السهر والشوق والهم والضيق

المجاراه:

اصبر الين الله يقرب خطاويه===حول الحسا ولاقريب (ن) من بقيق
انكان فارقكم ولابه رجا فيه===خله وتلقى ف الخلايق غرينيق
ياصاحبي بحر الهوا من سبح فيه===يعد لكن من حساب المغاريق
قبلك حذفنا حيودا على شواطيه===واليوم ضيعنا جميع المواثيق

وســــــــــــلامتكم

 

 

 

 

 

 

 

 

توقيع : شامان المري

[rplayer]http://youtu.be/5kwHAJOCP-w[/rplayer]

[محمد بن عبدالهادي المري]

اصبر الين الله يقرب خطاويه===حول الحسا ولاقريب (ن) من بقيق

الله الله

صح الله لسانك يا شامان وبيض الله وجهك على المجاراه الرااائعه رغم قصرها

بانتظار ابداعك يالذيب

[مدمن قناة الجزيرة]

إبداااااااااااااااااااااااع مشاء الله عليك

صح لسانك وصح لسان الشاعر صاحب القصيدة التي رديت عليهاااااااااااااا

[شآسع المري]

صح الله اللسانك وفديت طاري بقيق على ان جياتي له قليله

[عاليه]

صح لسانك خوي مجاره رائعه وكلمات روعه

[شامان المري]

صح الله بدنك محمد المري
فما انا الا تلميذ من تلاميذك
واشكرك ع المتابعه يا استاذ

[شامان المري]

مدمن قناة الجزيره
يشرفني مرورك الخفيف والرائع
ع مشاركتي واتمنى لك التوفيق

[شامان المري]

شاسع
صح الله بدنك وبقيق وطاريها يفرحون بشرواك
يالسنـــــــــــــــــــــــافي ولاهنت ع المرور

[شامان المري]

علمتني الحياه
انت الاروع والاجمل
تقبل خاص تحياتي
اخوك الصغير: شامان المري

[موسى ابومشهور]

كفيت ووفيت شاعرنا الرائع شامان المري
وبيض الله وجهك عليها مجاراة قويه