ليلة السبت

[عزيز نفس]

ياوجودي وجد من نفسه جزوعـه

باقـيٍ فيهـا عـلـومٍ مانستـهـا

لابغى عن سجتـه ينسـى دموعـه

مرتـه ذيـك العلـوم وحولتـهـا

واشعلت نارٍ حطبها مـن ظلوعـه

تاكل اللـي فوقهـا واللـي تحتهـا

كل ما اذكر من خذت قلبي قطوعه

واقتفاهـا النـوم وعيونـي قفتهـا

جوخةٍ من متن ابوزيـد مخلوعـه

لو درت عنها السلاطين اسرقتهـا

ظامـرٍ سرجوفهـا كنـه بجوعـه

ماتفـرق بينـه وبـيـن ارقبتـهـا

كنهـا ظبـيٍ قبـل ظلـه يروعـه

باقـيٍ فيـه التفاتـه مـا التفتهـا

اسم ابوها (اللي يحطه تحت كوعه)

واسمها (اللي تدرسه في مدرستها)!

ماتعلى فـي الخيـال ولا فروعـه

غيرهـا .. ولا تـبـوأ منزلتـهـا

كن عمري من سبوعه لا سبوعـه

تنظمه نظم الخـرز فـي سلسلتهـا

تجمعه لاشعشـع سهيـل بطلوعـه

وتنثـره لاحتـت الارض ورقتهـا

همها اشرب دلتـه وآكـل قدوعـه

من ظوتني ليلة السبـت وسرتهـا

روّحت وفـوادي الفرقـا تلوعـه

ماحسدت الا البسيطه فـي سعتهـا

القناعـه كنـز للنفـس القنـوعـه

مابقى الا روحي وروحي خذتهـا

ليتها مرواح من يرجـى رجوعـه

كان ماغمضت عيني مـن جهتهـا

والضياع اللي طبوعي من طبوعـه

ابركـات الله علـيّـه وابركتـهـا

ضاع عمري من سبوعه لا سبوعه

مابقى الا ليلـة السبـت وسرتهـا

 

 

 

 

 

 

 

 

[حلم~]

آبيات رآئــعه
سلمت يمناك وصح لسان شاعرها
باقات ورد:

[آلــــجآدل]

صح الله لسانك
بيض الله وجهك
ولاهنت على الطرح

[مبارك الشمري]

عزيز النفس ذووق بما تحمله الكلمه من معنى

عطنى كثير من القصائد ذي

اشكرك تحياتي

[عزيز نفس]

آهات

شُـﻤُــۇخْ ڪَـثـيْرَيـْﮧ

مبارك الشمري


لاعدمت هالمرور منكم

[الماسـه]

عزيز تسلم
روعه القصيده
مره عجبتني

[سعود النخيش]

صح لسانك ولسان شاعرها

[نايف الشمري]

... عزيز نفس


لله درك على هالاختيار

وصح لسان شاعرها عز الله انها جزله وكل حرف فيها يروووع القلب

لاهنت يالغالي

تقبل مروري وتحيتي

[نَآدرْ]

صحْ لسانكْ
جزلْ وقصيدة عذبة .. تستحق القراءَة مرآراً ..