وأرجوك لا تبْكي.. لا مرّت طيوفي / يا غير لِمّ الطّيف..يا منوة الطيف !!

[|| بـآإشـة آلغـيًد ≈]

،




[]





يا نار شبّي في معاليق يوفي
و نذر ٍ عليْ ما تانسين التّأفّيف

ما اقول لج "أفّن"..ولا أقول: روفي
إلاّ احْرقي ضْلوعي الْغلاض ..المراضيف

خلاص ملّت مِنْ مْتوني كتوفي
و زَنْدي تقهْوى العِسْر في شَفّة الرّيف

انْ طِحْت ما يَسْندني الاّ كفوفي
و انْ قمْت..في عيني طوال المشاريف

أنْوي الصّعايب..فوق رزْم القنوفي
و ألْقط ثِمَر عزْمي..بسيل المقانيف

و ان مر ذِكْر اللّي عليه الحسوفي
صِفَقْت بالكفين..ياحيف ..ياحيف

اللي غلاه..مورّدنّي حتوفي
و حِبّه سِطا ..و أثْنَت عليه المَراشيف

منْ يوصله مني..ولو بالكلوفي
و يسلّمه عنّي.. رِزوم المظاريف

لنّه على وصْله.. تهاوت ظروفي
و نِهرْتهن لَجْله..و عِذْره كما السّيف

يا واصله قلّه ترا البعد عوفي
و لقْياه حلْم اللي عيونه مِذاريف

و قلّه ترا زود الغلا .. علّ شوفي
و امْن الوله ضاقَت عليّ التّصاريف

و الشّوق هدّ الحيل.. وافْنى وصوفي
و الصّبر مرّ.. و لو تبسّمت بالزّيف

اللي على طرْياه..يصْعب وقوفي
كنّ القدم تضْرب بها موجة السَّيف

و الدّمّ ينْشف.. و المدامع ذروفي
و البال ماله غير ذكرى..و تشريف

أبْكي..و تبكيني مطاعن سيوفي
و أذكر.. و تذكرني رقاق السواليف

و أشكي..وتكتبني جزالة حروفي
و أبدّي الضّحكة..لحيرة ملاقيف

يا غاية الملْهوف..منّي مْعروفي
و على جبيني انْكتب بالتّعاريف

مشتاق..متوله.. من الشّوق خوفي
أموت ..و مشوّه بنار المواليف

بسقيك من دمّي..و كل من طروفي
ما دام هذي طلبتك..فدوتك "سيف"

وأرجوك لا تبْكي.. لا مرّت طيوفي
يا غير لِمّ الطّيف..يا منوة الطيف

أقوى سلاح الكون..دمع الهنوفي
و قدامها الموْقف..يروس المواقيف

"لا تسأليني كيف..؟..طلي و شوفي
و بعيونك الثنتين..تلقين تعريف"

والنار شبت.. غير ما ذاب يوفي
ما ذوّبه ..غير ابتعاد المواليف





الشاعر/ سيف المنصـوري



[]

 

 

 

 

 

 

 

 

توقيع : || بـآإشـة آلغـيًد ≈

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[جـآبر اليآمي]

و ان مر ذِكْر اللّي عليه الحسوفي
صِفَقْت بالكفين..ياحيف ..ياحيف
,,,,,,,,,,,,,,,,,,,,,,,,,,,,,,,,
صح السىآنه شآعر وقصيده رآئعه
ولاهنتي على النقل المميـز
تحيآتي

[|| بـآإشـة آلغـيًد ≈]

،

صح بدنك


ومنور بمرورك

[ذكريات]

صح السان الشاعر . . وبرضوه صح السانكـ
على هالاختيار الراقي

لاهنتي
وفي أنتظار جديدكـ

[|| بـآإشـة آلغـيًد ≈]

صح بدنك


وتسلم ع المرور

[نايف الشمري]

..


.., بااااآشة الغيد

ااالله عليك يااباااشتنا اخترتي فأبدعتي بحق يفوق الابداع

استمتعت جدا بمروري هنا وشرفني المرور على هذه المعزوفه

لاتكفي الحروف والكلمات مهما عبرت امام هذا الكم من الذق

ودي وردي وتقييمي

[مبارك الشمري]

و ان مر ذِكْر اللّي عليه الحسوفي
صِفَقْت بالكفين..ياحيف ..ياحيف


ياسلام ذوق ذوق اشكركي على ذوقك الرفيع

تحياتي لك ولا تحرمينا من ذوقك

مريت من هنا

[|| بـآإشـة آلغـيًد ≈]

نآإيف &
مبـآإرك




تسسلمو وكله من ذووقكم الراقي

ويشرفني مروركم العطر


نايف < تسلم ع التقييييم

[عيون المها]

صح لسان شاعرها


انتقاء بقمة الروعه


دمتي بسعادة

[|| بـآإشـة آلغـيًد ≈]

صح بدنج



وتسلمين ع المرور الطيب