يقولون وكر الحر ما يعتليه البــــوم وأنا شوف عيني وكر حر تحت بومــه

[شآسع المري]

يقولون ما للعبد بد عن المقســـــــوم=وأنا أقول صح ويقنع العبد مقسومــــــه

عسى الله يعين اللي توافد عليه إهمـــوم=هموم تخلي طبلة الراس منجومــــه

ترى والله انه مايكدر عليك النـــوم=سوى كلمة من بعض الاصحاب مسمومه

إليا جت من الغالين وإلا الرخوم رخــــوم=ولا أمحق من الغالي إليا شانت علومـــه

ضعاف الروابع تبتلش والقروم تشــــوم=ولاهي بلا شيمة ٍ من الشيم مليومـــــه

ولا أزين من القاع الخلى والوجيه سلــــوم=ولا رفقة بعد طول الايام ملغومـــــه

ولا ألذ من عشرة شريف من أقصى القــــــوم=يبادلك فعل الطيب معناه وسلومــــه

ولا شفت في جو الصداقه غبش وغيــــوم=عطيت الدروب اللي مع الارض مرسومـه

ولا مثل عز النفس لو مامعك مطعـــوم=وعن أهل الشماته خل الاسرار مكتومــه

معي لو سمحت شوي عقب عداك اللــــوم=أبعطيك عن بعض الرجاجيل معلومــــه

ترى اللاش لو وقف معك في حياته يـــوم= تشوف الردى متبين فيه من يومــــــه

وأنا أقول لو إن في وجيه الرخوم وســوم=عرفنا نميز قيمة النذل بوسومـــه

علشان نجلس مع رجال الوفى و نقـــــــوم=ونبعد من اللي عند الاجواد مذمومـــــه

وأنا أسمع مع أهل التجربة في الحياة علوم=بعضها صحيح وبعض الاخبار موهومـه

يقولون وكر الحر ما يعتليه البــــوم=وأنا شوف عيني وكر حر تحت بومــه


الشاعر ,,,, راجح العجمي

 

 

 

 

 

 

 

 

توقيع : شآسع المري

احذر أن تكون سببا في دموع المرأة .. لأن الله يحصي دمعتها واعلم ان حواء خرجت من ضلع ادم وليس من قدمه حتى لا يداس عليها كما أنها لم تخرج من رأسه حتى يظن بأنه أعلى منها منزلة ولا ليتعالى عليها وإنما خرجت من جنبه حتى تكون مساوية له كما أنها خرجت من تحت ذراعه حتى يدافع عنها ويحميها وتكون قريبة من قلبه ليحبها

[مبارك الشمري]

صح السان راجح وصح بنانك على نقلك لهاا

تحياتي لسموك انتظر الجديد

مريت من هنا

[عيون المها]

صح لسانه

انتقاء مميز


دمت بسعادة


كنت هنا

[شآسع المري]

لاهنتو على المرور الجيد

وشاكر لكم جميع

[|| بـآإشـة آلغـيًد ≈]

ترى والله انه مايكدر عليك النـــوم=سوى كلمة من بعض الاصحاب مسمومه

إليا جت من الغالين وإلا الرخوم رخــــوم=ولا أمحق من الغالي إليا شانت علومـــه





اختيار رائع جدا ووذووووق


وصح لساننه


والله يعطيك العافيه

[شآسع المري]

الله يسلمك والذوق لايعتلي على ذووقك

ولاهنتي على المرور

[نويـــــر]

ولاااا أمحق من الغالي إليا شانت علووومه
أنا أشهد .......بري عودي
صحت يمناااك أخوي شاسع المري
وصح الله لسان العجمي
أختيار ينم عن ذووق رفيع في الشعر الفاخر

تحيتي

[أتعبتني همومي]

صح لسانك ولسان شاعرها
وتسلم يمينك على هالإنتقاء الراااائع .

[جـآبر اليآمي]

صح السآن الشآعر
ولاهنت على النقل الرآئع والمميز
وسلمت يديك
تحيآتي,,,,,,

[كحيلان17]

صح السانك يا الشاعر