باب الحزن شرعته

باب الحزن شرعته

.


انا البارح سريت وخاطري من صاحبي مكسور
ذبحني في كلام يوم قاله ماتوقعته
كلام هزني واهتزني واقفيت دون شعور
اسوق الرجل يوم الحزن جمعني وجمعته
سريت الليل مدري وين دربي لين شع النور
اداري قلبي اللي طعنة الاقدار موجعته
ألا يافكري التايه ألا ياصدري المحشور
ألا يافرحي اللي مع حبيب الروح ودعته
ألا يا هاجس الفرقا بداية حبنا محظور
ولكن صاحبي بالحب ولعني وولعته
تعاهدنا على حب شريف وعاذل مقهور
شبكت يده في يديني وصارحني وطاوعته
أبيع الروح من دونه وانا لمواجعه دكتور
وفهمته على وضعي ودرسته وطبعته
بدايتنا سعاده والنهايه دمعنا منثور
الى يا ويل حالي يوم باب الحزن شرعته

...


تركي خليفة المطيري



.

المصدر: الملتقى الجماهيري للشاعر محمد بن فطيس المري

قصيدة جميلة ومؤثرة صح لسان كاتبها وسلمت يمين ناقلها


مشكوووووور رشيد والله يعطيك الف عافيه لهذا الانتقاء الراقي

اقتباس المشاركة الأصلية كتبت بواسطة لولوه قصيدة جميلة ومؤثرة صح لسان كاتبها وسلمت يمين ناقلها مشكوووووور رشيد والله يعطيك الف عافيه لهذا الانتقاء الراقي

يسلمك ربي يالولوه
صح لسان شاعرها ولاهنتي