لبى العرب

[شيخه بنت شيخ]

الليله اللي بدايتها قصيد وطرب
تكاشفت ابروقها لاحنت ارعودها

هيهات هيهات واللي ما يطول العنب
يشره على شجرته لا طال عنقودها

والجادل اللي تفاخر بالحسب والنسب
وشلون ما تفتخر لا عدت اجدودها

كنت أحسب الدم ياصل دونها للركب
اللين ساقتني الأقدار لحدودها

من صوتها العذب تطعني بليا سبب
وأنا أتحمل خناجرها وبارودها

الا على طاريء الطعنات لبى الهدب
لبيه لبيه لامن سلهمت سودها

قالت عشا قلت مستعجل وقالت شبب
هي فهمتني وانا فاهم لمقصودها

دخلة في ربعة فيها دلال ومشب
وصبت لي من دلة اللي فايحاً عودها

لبى [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]يا حليب الذود لبى العرب
من يوم قالت تعال وبهلت ذودها

أنشهد انها على ما قيل عز الطلب
وأحترت ما بين حقتها ومفرودها

لاجيت أوصف وش أوصف يا للعجب
الليل فجعودها والصبح فخدودها

والله ما كان فيها عظام ولا عصب
عزاه لامن تثنت وأنثنى عودها

لمحت في عيونها كلام كله عتب
سألتها ليش لكن كان مردودها

قالت سلمنا ولكنها سلامات عطب
والله يستر من العالم ومنقودها

ليله وعدت ولا أدري كيف طاح الحطب
انباحت اسدودها ما باحت اسدودها

والله لو قيل عدها واخذ وزنك ذهب
والله ما اعودها والله ما أعودها

سالم بن جخير



يالبي العرب

 

 

 

 

 

 

 

 

[شـمـآلـي]

لاجيت أوصف وش أوصف يا للعجب
الليل فجعودها والصبح فخدودها

والله ما كان فيها عظام ولا عصب
عزاه لامن تثنت وأنثنى عودها
يحلو وصفه بالغزل
وخاصه في الابيات هذي
ونشهد انه في الصميم
لبيه يحلو كلامه ووصفها لها
اصح السانه والله
وشكرك على نقلك المميز
ودي ...

[شيخه بنت شيخ]

لاهنت على مرورك

[بدر الشدادي]

حي الله الشيخه منورة المنتدى برجعتك وين الغيبه عسى ماخلاف
صح السانك وقلبك على هالانتقاء الراقي والمميز كاتميز طروحاتك يامميزة
وسلم راسك وعاش ذوقك المنفرد
اعذب الود

[بسمة غزل]

صح ذووقــك علـى الإختيــآر

يعطيييك العـآفيـة

[شيخه بنت شيخ]

هلا بدر

حياك الله منور متصفحي


شاكره لك سؤالك

بس اشوف موضووعي منور بالحباييب



فديتهم نفر نفر