ماطاب جرح ( فلاح المورقي )

[حمود المورجي]

السلام عليكم ورحمة الله وبركاته ,,,

جبت لكم قصيده رووووعه للشاعر

فلاح المورقــــــــــي

اتركم مع القصيده ,,

مــا طاب جرح اللي هوا بنت الاجناب ** لوحبته يظهر من الناس حجير

هاذا بلى الحب وبلى ابوك ياعقاب **كان المحبه ذنب فالبعد تكفير

في ساعة ماكنت حاسب لها احساب ** ما كنت احسب ان اللذي صار بيصير

تدري وش اللي يكسر قلوب الاحباب ** حكم القدر لا قال لفراقهم خير

صدمة وجتني والزمن كشر انياب ** والوقت تكشيره ماهوب اي تكشير

يا قلب لا تشره على كل من غاب ** من راح من كيفه يجي دون تبرير

جاني من اللي كنت احسبنهم اصحاب ** شين عجزت ألقى لهن ضقت تفسير

والخاطر المكسور يا عذالي طاب ** والوقت ما قصر محى كل تأثير

والمخطي اللي من كثر ماخطى صاب ** يشفع له إن لا وقف وقفته غير

واللي يعيش بديرته عيشة اغراب ** يقطع على شان المعزه مشاوير

يا ساحة الغاوين يا قل الالباب ** وما كل طير لا كفخ يقدر يطير

ما أقول ما فيكم رياجيل واشناب ** اميّز الشعار بين الشواعير

ناسن تدور للقب بين الالقاب ** وواحد من الالماس شعره قناطير

وإحدن بماله يكسب إعلام وإعجاب ** مثل ما قالو يدهن السير ويسير

مثل المنيحه بين تسعين حلاب ** ومافيه احد يكره حليب المصاغير

أو مملكة جوها طواغيت الارهاب ** وسوو لهم مع زحمة الناس تفجير

وحنا نكافح والامل ما بعد خاب ** حتى ندمرهم من الشعر تدمير

وإن كان راحو بين ميت ومنصاب **دونالسعر ناقف صفوف وطوابير

وكلن معه شلفا ولد غانم ذياب ** من شان لا يصلح لاخطاء تكرير

ويبقى فقط شعار عراب كتاب ** ناسن ما يلحقهم فالابداع تقصير

اقولها صادق ولانيب كذاب ** الشعر ميراث الجدود المناعير

وأنا حميته من مفسد وخراب ** وأعسف بها العاصي واسخره تسخير

يا كم حرقت اعصاب وارتاحت اعصاب ** موتو قهر يا شلة عوير وصوير

ما ضاع حق ومن ورى الحق طلاب ** وسود النوايا من طرفنا مغاتير

وكلن على قده يفصل له ثياب ** وكلن على قدره يقدر بتقدير

واللي يبى القمه ولا يبذل أسباب ** ينبح ليا شاف القوافل على السير


تحــــــــــــياتي ,,,,

حمود المورجي,,,

 

 

 

 

 

 

 

 

[فوضاويه]

الله الله


شاعر كبير يافلاح


كم احب ان اسمع لشيلاته وقصائده


مشكور اخوي حمود والله يعطيك العافيه



لك تحياتي

[حمود المورجي]

العفووو فوضاويه

وان شاء الله بتشووفين كل الشيلات بذن الله


اشكرج ع المرور

[رائد نملان الحبابي]

صح الله السااان الشاااعر المبدع

فلاااااااااااااااااااااح المورقي

وشكرا لك اخي على النقل الموفق

[حمود المورجي]

العفوؤوؤوؤ ولا سوينا شئ

والله لايهينك ع المرور

[ღعيّنآك قدَريღ]

وكلن على قده يفصل له ثياب ** وكلن على قدره يقدر بتقدير

واللي يبى القمه ولا يبذل أسباب ** ينبح ليا شاف القوافل على السير

إبـــدآآآآآع

صح لسسسآنهـ

وسلمت اناملك على هالنقل وعلى هالذوق الرآقي

قصـــيدهـ رآآئعه بمعنى الكلمــه ..

عسسآكـ ع القووهـ ..

دمتَ بحفظ الرحمن ..

[حمود المورجي]

والابدآآآع هو مرورج....

الله لا يهينج ع المرور

لا خلا ولا عدم...

[صاحبة سمو]

صح السانك والسان الشاعر

أبيات جميله وابدعت في طرحك

اختيار موفق

لاهنت

[حمود المورجي]

صح بدنج

ويعطيج الف عافيه ع المرور

ودي....