ياعيني اللي كن في حجـرها عود ..!

[الودعااني]

ياعيني اللي كن في حجـرها عود
لا زل ثـلـث الـليل عافت منامه


اشـوف وقـتٍ ضـيّع الناس ياسعود
فــيه المره والخبل يوخذ كلامه


وابن الحمـوله من شهاويه مطرود
وراحت وقوت اهل الكرم والشهامه


دنــيـــا كفى الله شرها شقها عود
حطت اسـود البر مثل الـنـعامـه


والحر الاشقر ينظر الصيد ويحـود
ومقرّضٍ ريشه سوات الـحـمـامــه


والـلي يخلّى باول الوقت ماجود
وبالوقت ذا التالي لبس له عمامه


ويقول انا ولد القدى واتبع العود
وحن جدنا الاول يبـنّي خيامـــه


ومن يتبع الطاعه يقولون مقرود
ومن كبّر اللحيه يقل احترامـه


ودنياك لا زانت ترى مابها فـود
تضحك وتبكي وانـت مابـك غشامـه


ودنياك مادامت لحـوى وداوود
راحوا كما ليلٍ تخالف حلامــه



الشاعر الشيخ ناصر بن حمود بن شافي أل شافي
شيخ شمل قبيلة بني هاجر

 

 

 

 

 

 

 

 

توقيع : الودعااني

من صاحبـي زلتـه لاجـات امشيهـا امــا عـلى حشـمته والآ لشيبانه اطـا عليها ولا كنـي بـمـوحـيها واصد عنها وابرر غلـطـة لسـانه واحسب عواقيبها والله يـعـديـهــا من خوف لايدري الحاقد وشـيـطانه

[Dاخر العنقودD]

عوااااافي اخي وصح لسان كاتبها

[مشاعر مجروحه]

ذوق رايق وقصيد من اروع ماقرات يسلم راس الشاعر
وتسلم يدين الناقل وكلك ذوق
لاهنت

[الودعااني]

اقتباس:
المشاركة الأصلية كتبت بواسطة Dاخر العنقودD [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
عوااااافي اخي وصح لسان كاتبها

اخر العنقود يعافيك ربي لاهنتي يالغاليه اشكرررك ,,

[الودعااني]

اقتباس:
المشاركة الأصلية كتبت بواسطة مشاعر مجروحه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ذوق رايق وقصيد من اروع ماقرات يسلم راس الشاعر
وتسلم يدين الناقل وكلك ذوق
لاهنت

مشاعر الذوق مجرد اقتباس من حضرت سموك لاهنتي يالغاليه اشكرررك ,,