الروقـيه والنشمـيه والحوريه والبرقاويه

[بنت الروقه]

السلام عليكم ورحمة الله وبركاته

هذه مجاراه بين كل من..
الشاعر : مشعل المرشدي
والشاعر:ماجد الروقي
والشاعر:عناد الشيباني
والشاعر : الغنامي دبلوماسي الهيلا
البدآيه
الرروقـيه للشاعر/مشعل المرشدي

الشامي اللي حـب لـه شاميـه
وغنالهـا يابـنـت يامرعـيـه
ماهو لك الله مثل حب الروقـي
للي عشق لـه مهـرتً روقيـه
وقامت تهزع لجل سود عيونـه
وحذف شماغه والحق الطاقيـه
وغنالهـا يابنـت ياالمزيـونـه
ياللي عليك مـن المهـا ماريـه
يابنت قـومً يرفعـون البيـرق
وافعالهـم تشهـد لهـا العبريـه
يوم الفعول اللـي تعـد وتذكـر
أيخضبـون السيـف والشبريـه
ووجيهم تحما الدخيل ان جاهـم
ويكرمـون الجـار والطرقيـه
فلي شعرك وحولـي فاالساحـه
وهزي ردوف ًهزت الأرضيـه
انتي منى روحي وطب جروحي
وانتي هنـاي وشيخـة الحنيـه
يضيق صـدري لافقدتـك ليلـه
ولا اصبحت قمت اجاوب القمريه
يالعنبو بعـدك وحـر افراقـك
حبـك طعنـي طعنـة الجنبيـه
والله يلـولا حشمتـي لربوعـك
انـي لقـول افلانـه المعنـيـه
لاكـن اقـدر لابتـك وغليهـا
واغليك يأم النظـره السحريـه
انا فدى رمشـك ومحجرعينـك
وفدى حمـار الجمـره السفليـه
اللي وراها مثـل حـب الولـو
تسطع سوات الشمعـه الغازيـه
لاتعلنيـن البعـد عنـي ساعـه
والشكر والعرفـان لـك مثنيـه

مشعل المرشدي^^


النشميه للشاعر:ماجد الروقي


المرشـدي بأبياتـه الشعبـيـه
هيّض علي جروحـي المخفيـه

وجاوبته بصوتٍ يشـد السامـع
بأبيـات شعـرٍ كلهـا منقـيـه

مشعل شكى من حبّ خله وأسهب
في مدح بنت اللي لهـم جاهيّـه

من روق عزوتها ونجد المربـى
من لام مشعل لاعشـق نجديـه

وانا عشقت الجـادل الغنـدوره
الفاتـن الدلـوعـه النشمـيـه

فيها دلع طفل ورجاحـة شايـب
فيهـا طناخـة راس وسنافيّـه

فيها الجمال اليوسفـيّ الباهـر
اللي ماشفت مع الخلايـق زيّـه

عيونهـا تذبحنـي وتحييـنـي
لبيـه يانظراتـهـا العفـويـه

لاسلهمت بالرمش كنها تنعـس
ماعندهـا رحمـه ولا مـاويّـه

حوراً هدبها جرح اللـي تحتـه
في خدها مـن رمشهـا ماريـه

وباقي الوصايف ما اقدّر اوصفها
خليتهـا فـي خاطـري مكنيـه

جرّيت لأجـل عيونهـا موالـي
وأردفـت للـمـوال بهجينـيـه

وعنّيت رجلي لإجلها كـم مـره
اروح والمرواح عكـس الجيـه

اروح وأنـا مسفهّـل حجاجـي
كنـي وزيـرٍ ماسـك المالـيـه

وأرجع وانا ضايق صدر متكـدّر
كني فقيـر مطالـبٍ فـي ديّـه

خلوه ربعه يـوم كبـر مصابـه
وفقد جميـع الراحـه النفسيـه

هـذي مجاراتـي وهـذا حالـي
وسلامي منـي مقتفيـه إتحيّـه

للشاعر اللي هاضنـي ببيوتـه
وكتبت نفـس الـوزن والقافيـه



ماجد الروقي


الحوريه للشاعر:عناد الشيباني


ثـــارت هـواجـيــس الـشـعــر جـبـريــه
بالـوصـف مـثـل الـثــوره الـسـوريـه.!

مـــن بــعــد مـاغـنــو عــيــال الــروقــه
ابــيـــوت شــعـــرٍ بـالــجــزل مـطـلـيــه

مشـعـل وجــاراه ابـــن عـمــه مـاجــد
ومــع طـرشـهـم بـســوق لـــي منـقـيـه

كــل(ن) تمـثـل فــي وصـايـف خـلــه
ومــــن الــغــرام اقـلـوبـهـم مـبـلـيــه.!

طــرو عـلـي الـلـي خــذت تفـكـيـري
الــجـــادل الـمـمـلـوحــه الــحــوريــه

الــلـــي وصـايـفـهــا تــحـــد الــشــاعــر
لــــو يـعـتــزي بـجـنـونــه الـشـعـريــه.!

ام الـنـســب وام الـجـمــال الـهـايــل
ومـن افخـم اثـيـاب الـشـرف مكسـيـه

الـيــا مـشــت جـــرت وراهـــا الـعـالـم
حــتـــى بـمـشـيـتـهـا مــهـــي عـــاديـــه

كــن البسـيـطـه لا أونـســت مـاطـاهـا
تــخــفــي لـــهـــا عـــلاقــــةٍ طـــرديــــه

وجديـلـهـا مـثــل الـظــلام الـدامــس
يدفـي عـن اريـاح المـسـاء الشتـويـه

والخـصـر يـعـزل جسمـهـا مــن نحـلـه
يـمـكــن شــبــر.! والّا يــــزود شــويــه

ف/أعيـونـهـا نـظــرة غــــرور وهـيـبــه
اتــخــدر الــلــي يـحـتـمـون الـهـئـيــه

اعـــــن الـبــنــي مـتـمـيــزه بـالـشـامــه
الــلـــي يـمــيــن الـشــفــه الـــورديـــه

افـراقـهــا شــمــس الـظــهــر فـالـكـنــه
ووصـالـهــا عــنــدي ســــوات الـفــيــه

اخذت قدمي عيني خفوقي واقفت
مــاهــو عــطــا ولاهــــو (أ) بـجـبـريــه

وفـوحــت لاجـــل عيـونـهـا قـيـفـانـي
فــــي دلــــة الابــــداع مــــن مـافـيــه

عبـرت عـن مايجـتـول فــي صــدري
والــعـــذر نـــــاره لـلــعــوارف حـــيـــه

لااصيح لروقه ذخايرجدي للشاعر دبلوماسي الهيلا
يالايمي بالعمله الاصليه
ماذقت حب المهره المعنيه
اللي لسود عيونها ارمي روحي
من لامني لارحم ابوه وحيه
بنت الرجال اللي تجر الهايب
ماغيرتها الموضه العصريه
ميزة غلاها في فؤادي دايم
تملكت مشاعري حصريه
حبي لها ماهو بطيش(ن) عابر
ولاهي مصالح زيفها مشريه
ليا شفتها كني ملكت الدنيا
وافراقها عندي جحيمه حيه
واللي يبي يعرف غلاها عندي
يشوف حالي بالغلا مبريه
والله يلولا عز راسي تاجه
برقا موردة الحيام الطيه
لااصيح للروقه ذخاير جدي
واقول قلبي عند برقاويه‎

 

 

 

 

 

 

 

 

توقيع : بنت الروقه

اهْرَبّ مَنْ الّذَكرَىٰ وَاعَوّد إلَيهآ ......................كَلّ الّدرَوْبّ لْذّكرايآتَكّ تّؤدْيٰ آخَافّ لاَفّقَدْهَآ وآخآفّ آنْتَهِيهَآ ..................آعَيِشّ وَالّذكْرىٰ صرَآع وتَحّديٰ

---

التعديل الأخير تم بواسطة بنت الروقه ; 03-18-2012 الساعة 11:16 PM

[فراشة]

يالـبى و يالبـى ويالبـى عتيبـة

وتســــــلم ي م ن ا ك

تحيتي

[فهد ثامر البقمي]

والله ونعم بعتيبه كلها برقا وروق

صح السنتهم جميعا إستمتعت بعذوبة الابيات

ولا هنتي اختي بنت الروقه تسلم يمناك

دمتي بحفظ الرحمن

[خالد العبيريد]

حياك بنت الشيوخ وحي ماجيتي به ,,

صح الله السنت الشعار وصح كلك ولاهنتي على هالنقل الطيب بيض الله وجهك يالغاليه ,,

تحياتي وتقديري لك .

[رائد العصيمي]

صح لسان شاعرها


اشكرك

[مصيوب الهوىا]

صح الله السانهم محاوره جميله

كل شكر لك يا بنت والله يعطيك العافيه

[سعيد محمد القحطاني]

بنت الروق تسلم يمينك على الاختيار الجميل
كلعاده مميزه وختيارك مميز على فكره الوريكي رجع لأعاد تورينه
وتذكرينه المقانيص شكرًا لك تحياتي وصادقودي ولاهنتي

[ريف الصبا]

تسلم الموضوع جدا كيوت

[فهد الهباش]

نقل مميز

تسلمين عليه يالغلا،،

[ذوووق ومنآآآوي]

ونعم فيتس وفيهم..
اعجبتني النشميه وصح لسان شاعرها والباقين..