يا قوّ قلبك......محمد ابن فطيس المرّي

[فوضاويه]

ياقوّ قلبك !!
قصيدة باللهجة العامية اعجبتني اتمنى ان تنال اعجابكم

ياقو قلبك على الصّده ويا صُبرك
وياوسع صدري على صدك ويا صُبري
وياطول عمرك بذاكرتي وياكُبرك
وياشيب عيني بشيّب عاد ذا كُبري
والله لون حمل صبري فوقك..ان تبرك
والله ولو تعتذر منت بعلى خبري
ان ما جبرك الغلا ما اقدر على جبرك
ياللي على ارض الوفا ما شبرك بشبري
تزعل وترجع وتلقاني على خبرك
وانا انكسر لك واجيك ادوّر لجبري
طيفك وذكراك طيلة غيبتك سبرك
وشوقي لشوفتك طيلة غيبتك سبري
امحق وليف ومحبه والا اقول ابرك
حسبي عليك اعشقك وانت اتحفر قبري

 

 

 

 

 

 

 

 

---

التعديل الأخير تم بواسطة ,, عسـّـاف ,, ; 09-20-2010 الساعة 04:53 PM سبب آخر: تنسيق القصيدة

[MONE]

يعطيك العافيه
كلمات رائعه

[فوضاويه]

ربي يعافيك يالغالي


شكرا لمرورك


تحياتي

[عبدالملك]

امحق وليف ومحبه والا اقول ابرك حسبي عليك اعشقك وانت اتحفر قبري

يعطيك الف عافيه ..
روعة بالطرح و الابداع ..
ننتظر جديدك ..

ودي ..

[حمود المورجي]

الشاعر يبقى شاعر


وصح لسآآآنك يا بو حمد

والله لا يهينج يا فوضاويه

[,, عسـّـاف ,,]

الله الله , صح الله ألسان أبو حمد
و أشهد بـ الله إنها أفضل قصايده .

لاهنت ِ ..

[دانه]

ياقو قلبك على الصّده ويا صُبرك
وياوسع صدري على صدك ويا صُبري

اه يالقصيده ...
تعبر عن شعور مكتوووم...

ياربي تعاافي يديااتكـ

[نسل الاحرار]

هااذي القصيده من اروع قصائد بن فطيس..........

تسلمين فوضاوية

[مميز خلقه]

تسلمين خيتو ع النقل المميز


وصح الله الساان شاعرناا على هالقصيده المشهوره جداً


ودي لك

[جـنـون الـحـب]

الله عليك يا بو حمد

صح لسانك

و لا هنتي فوضاويه