يقول وينه ياحمد ذايع الصيت ؟؟؟

[دلع العجمان]

رساله




كل اللذي بيني وبينك رساله *** ارسلتها لك بالغلط وانت دقيت

وش لك بتطويل الحكي والعباله *** عيّيت تسّمع كلمتي ماترويت

مدري تـطـفـّـل موقفك او جهاله *** واللي ذبحني يومك تقول حبيت

مسرع عشقت الحب عندك سهاله *** حبيتني في ربع ساعه ومليت

انا اشهد انك صرت للروح عاله *** ياليتني بزود الخطا ماتماديت

الحب عقب ( ؟؟؟ ) قافل مجاله *** هذي الحقيقه قلتها لو تعزويت

الصاحب اللي ذقت احلى دلاله *** من دلـّـتــه ياما وياما تقهويت

له منزل ٍ في وسط روحي لحاله *** وفي كل شبر ٍ داخلي صار له بيت

الحب مايحلى بليّا وصاله *** اللي بعاده شتّت الفكر تشتيت

يجوز لي في ضحّكته وانفعاله *** ويطري على بالي بكل التواقيت

البحر يسألني ويصفق بجاله *** يقول وينه ياحمد ذايع الصيت ؟؟؟

اللي سحرني في بهاه وجماله *** اللي ليا وقــّـف على جالي امسيت

هذا البحر يشكي حلاه ودلاله *** وشلون انا لو جيت اباأوصف ولا اوفيت ؟؟؟

ودام اللذي بيني وبينك رساله *** ارسلتها لك بالغلط وانت دقيت

ارجوك روح وخل قلبي بحاله *** واترك لي هموم الزمن والتناهيت

للشاااعر//حمد بن سعد المسرع

 

 

 

 

 

 

 

 

توقيع : دلع العجمان

[غراااام نجد]

ارجوك روح وخل قلبي بحاله
........ واترك لي هموم الزمن والتناهيت

صح لسانك حمد قصيده جميله ..

دلع العجمان ..

وربي يسلم ايدينك ع النقل المتميز ..


لك ودي ...

[دلع العجمان]

حياااااااك
نورتي وعطرتي