مع الرحيل ..:.. ياسر ..!حكايه كيف مانرويها !

[حلم~]

ياشينها الفرقا / وطاري الفرقا
.................. ويازين سيرة ياسر القحطاني

اعذب حكايات /الزمان وأجمل
.................... واكبر أمل / في مقبل الأزماني

ياسر..! تفاصيل الجمال الأسر
.....................ياسر..! مشاعر تسكن الوجداني

قناص للمرمى / وله تاريخه
......................يشهد له اللي قاصياً / والداني

ياسر لنا ماهو مجرد لاعب
...................لاعب / ورمز / وفارس الفرساني

مع الهلال / اعطى بكل احساسه
.......................وقاد الفريق بسطوة الشجعاني

ياسر ..!حكايه كيف مانرويها !
...........................سيرة بطل/ يزهى به الميداني

صعبه اقول / (الكاسر العيناوي)
.......................... مايرتضيها / خاطري ولساني

يمكن.. حداه من الليالي حادي !!
................. ويمكن ..! تمادت به / يدين الجاني ..!!

لكنه الكـــــــاسر / وقوة عزمه
............................تضمن له /الامجاد / والتيجاني

مــــاكنت مـتــخيل فراق الكاسر
.................................او إنه يوقع لنادي ثاني!!

لــــكنها الدنيا / ولايعلمها
.............................الا القدير/ الواحد /الرحماني

يبقى لياسر بالضماير صوره
........................... بروازها اغلى من المرجاني

ويبقى البطل حاضر مع جمهوره
........................جمهورلعبه / عاشق وولهاني

وان كان مرت بالحناجر عبره
.......................هذا الوفا / يا ياسر القحطاني

جمهورك الصادق/ لسانه عاجز
.........................مذهول / مايستوعب العنواني

ماينبكي / غير الصديق الصادق
...................... ولاينفقد غير / اشجع الفرساني

وان جيتنا باكر على موعدنا
...........................تلقى الهلال مشرّع البيباني

وتلقى القلوب / اللي تهلل باسمك
.......................مستعجله / قلبً يطوف الثاني

لان الوفا / والود / لك ياغالي
......................يزيد / ماينقص / في الميزاني

سافر.. وجمهورك ابد ..لايمكن
........................مايتركك / في غيبتك وحداني

لك في ضمايرنا / مشاعر تغلي
......................بالحب / والتقدير / والعرفاني

ولك من جماهير الزعيم الأزرق
.........................كل الشكر يالنادر الشيهاني

هذي القصيده لشاعر هلالي

 

 

 

 

 

 

 

 

توقيع : حلم~

💜

[محمد بن عبدالهادي المري]

والله انه يستاهل ابو سعيد كل الخير


لاعب ورمز من رموز المنتخب السعودي ونادي الهلال الله يوفقه وين ماراح

من ابسط حقوقه علينا انا نشيد بفنه ولعبه



يعطيش العافيه احاسيس على القصيده اراائعه وصح الله لسان الشاعر




من نصراوي صميم

[حلم~]

اسعدني مرورك

[موسى ابومشهور]

اللاعب ياسر يستاهل والشاعرابدع صح لسانه
الشاعرالهلالي

[حلم~]

آسعدني مرورك

[فهد الهباش]

ياسر اختار افضل طريقة للابتعاد عن الضغط الكبير من الاعلام السعودي
ان شاء الله يشرفنا ويكون سفير سعودي في الامارات الشقيقة والحبيبة على قلوبنا
وهو قدها وقدودج ابوسعيد
ويبقى الهلال فريق كبير لا يقف على لاعب واحد والله يوفق الزعيم وجميع انديتنا الرياضية امين

اما القصيدة فكفو وشاعرها كفو
ولك يا احسيس اجمل تحية لذوقك المميز

[حلم~]

آسعدني تواجدك

[نايف الشمري]

.. آحاسيس

لاهنت على منقولك

وصح لسان الشاعر

ويستاهل القصيده ياسر القحطاني

[حلم~]

آسعدني تواجدك