تهشمت ضلوع المحاني

[عــبــدالــعــزيــز]

نهار ثالث عقـب عيـد رمضانـي=ناس ٍ عطاها الله .. وناس محرومه
احدٍ .. قضى عيده سلام وتهانـي=واحدٍ .. توصله الكواكـب همومـه
صادفت صدفه من صدوف الزماني=منها قوّي الحيـل تفتـر عزومـه
هـذا زمـان الهـم والامتحـانـي=وقتٍ على قلبـي تعاقـب سهومـه
الاولـه كامـل جميـع المعـانـي=امزبن المضيوم.. شرع الخصومه
محمـد اللـي بالقسـا والليـانـي=عقبـه سمايـه غايبـاتٍ نجومـه
والثانيـه باقـرب قريـبٍ ودانـي=خامس عيالي يوم جتنـي علومـه
قالوا مابين (الخاصره واحلبانـي)=ولدك مـات اللـي ترجـا قدومـه
جا يومه الموعود باربـع ثوانـي=قلت السبب؟ قالوا دنا منـه يومـه
علم ٍ على الكبد الصخيفـه كوانـي=كيـة عطـب ماتنشكـي للحكومـه
تهشمت كـل الضلـوع المحانـي=مفجوع.. والمفجوع ما احدٍ يلومـه
اخذت لي ساعه وانا فـي مكانـي=حسبت لى عشرين طيحه وقومـه
اليا بغيت الهـرج ييبـس لسانـي=والذاكره عنـدي تقـول أمعدومـه
قمـت اتلفـت واتسمّـع بأذانـي=من شاف حالـي ماتهنـا بنومـه
مما بقلبي.. رحت بالليـل عانـي=للموتر اللـي مابقـى الا رسومـه
عن روحتي ياليـت ربـي نهانـي=ولاشفت دمه سايح ٍ فـي هدومـه
قمـت ودفنتـه والله المستعـانـي=في خرقة ٍ بيضاء عليـه محزومـه
يـم القويعيـه بـلاد اقحطـانـي=والحر غير لون وجهـي سمومـه
واقفيت من عنده وعشري ثمانـي=مثل المِصيـح والبـلاد امحكومـه
والله يا لولا اني وسيـع البطانـي=لا اصكها مثل اشقر الريش حومـه
طاوعت نفسي مير عقلـي قوانـي=عن الخطاء مافيه نفس امعصومـه

 

 

 

 

 

 

 

 

توقيع : عــبــدالــعــزيــز

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[بنت الروقه]

صص’ـح لسسآن احمد الناصر

وتسسلم آنآملك ع آلنقل

لآهنت

[حلم~]

هنا ضاعت مني كل الحروف ولم أجد ذلك المقدار
الذي يوصلني في اتمام حقك بالكمال
طرح رائع بكل معاني الروعه
سلمت اناملك عزيزي