يـــــر حـــم والــــــــد يــــــكـــ

[محمد بن عبدالهادي المري]

السلام عليكم ورحمة الله وبركاته

لكم هذه الابيات عسى ان تنال استحسانكم ورضاكم ماعادني بقايل بعد الغيبه استحيت كل شوي غيبه

يا مساء الحب والشوق والراحه عليك
............................................... ويا مسا اللوعات والأآآه واللهفه علي
ويا عذآبي منك يالزين يرحم وآلديك
.............................................. ما تشوف اني من أجلك بعيدِ من هلي
كل يوماَ آترجى أتصالك و أحتريك
.......................................... ... والمعاليق الشقيه تشب وتصطلي
صآدق الاحساس بالحب روحي ترتجيك
................................................ وصادق الاشواق مني لقلبك ترسلي
أنت مالك بين الاضلاع ند ولا شريك
............................................... مرتِ تجنب بقلبي ومرِ تشملي
أنت لو تطلب عيوني وش عيوني تجيك
............................................. ليش لا والدمع فيها من أجلك يهملي
ياغنآة الروح والله مدري ويش فيك
............................................. تدري ان رضآي لرضآك والعكس زعلي
ما سمعت صياح كل الجوارح تنتخيك
............................................... كل ما منها يحبك يقول الحق لي
بس انا ويا الجوارح نصوت لك نبيك
............................................. .. لا تخلي القلب والعين منك تمحلي
كل ما طروك سميت بالله يحميك
................................................. لن ما مثلك من الناس ند ولا حلي
المهم اني احس ان يديني في يدييك
.................................................. .. لا سمعت مخااوي الليل وحسين العلي
بأختصار القول اني بكلي مهتويك
.................................................. . الفؤآد يفوح بالشوق والجاش يغلي
وكل ما في الامر مافيه ما يغلا عليك
............................................. ... لو تبي لك نجمةَ فوق لجلك تنزلي

وسلامتكم

 

 

 

 

 

 

 

 

[رائد العصيمي]

اقتباس المشاركة الأصلية كتبت بواسطة محمد المري .................................................. .. لا سمعت مخااوي الليل وحسين العلي بأختصار القول اني بكلي مهتويك

ي سلام

مخاوي الليل

اشهد بالله انك شاعر وانه فنان

لاهنت يامري

[محمد بن عبدالهادي المري]

اقتباس المشاركة الأصلية كتبت بواسطة رائد العصيمي [/center] ي سلام مخاوي الليل اشهد بالله انك شاعر وانه فنان لاهنت يامري

صح الله بدنك يا رائد وحياك الله يالغالي

[محمد الوريكي]

تسلم اخوي قصيده جميله
ومخاوي الليل يستاهل الشعر
لاهنت

[محمد بن عبدالهادي المري]

اقتباس المشاركة الأصلية كتبت بواسطة محمد الوريكي تسلم اخوي قصيده جميله ومخاوي الليل يستاهل الشعر لاهنت

ربي يسلمك يا محمد وانت الاجمل نفداك

[حمد السبيعي]

قصيدة حلوه ,,,موزونه وقافيتها متوافقه وفيها من الحس الشي الكثير

وفيه حرف شكله سقط سهوا في كل ما منها يحبك يقول الحق " لي "
يا ليت تعدله عشان الزوار لما يقرونها تكون كامله ,,

وانت شاعر ياخوي محمد المري ولا خلا ولا عدم

[محمد بن عبدالهادي المري]

اقتباس المشاركة الأصلية كتبت بواسطة حمد السبيعي قصيدة حلوه ,,,موزونه وقافيتها متوافقه وفيها من الحس الشي الكثير وفيه حرف شكله سقط سهوا في كل ما منها يحبك يقول الحق " لي " يا ليت تعدله عشان الزوار لما يقرونها تكون كامله ,, وانت شاعر ياخوي محمد المري ولا خلا ولا عدم

مرحبا استاذ حمد السبيعي ( الراداار)

المقصود فديتك ان الحق له مو عليه انت تحسب انه الحق علي


مشكوور فديتك على الملاحظه

[admin]

بيض الله وجهك يامحمد

هذا العشم فيك وأنت ما تجيب الا الجزلات ..

ومبطى من جا يالقرم ..

شرفتنا بهالعظيمه ياعظيم ..

صح لسانك ولا هنت يالقرم

لاخلا ولا عدم

وكل عام وانت بخيررر يالقرم
أخوك ابو مشاري

[محمد بن عبدالهادي المري]

اقتباس المشاركة الأصلية كتبت بواسطة أبو مشاري بيض الله وجهك يامحمد هذا العشم فيك وأنت ما تجيب الا الجزلات .. ومبطى من جا يالقرم .. شرفتنا بهالعظيمه ياعظيم .. صح لسانك ولا هنت يالقرم لاخلا ولا عدم وكل عام وانت بخيررر يالقرم أخوك ابو مشاري

والبقى يا ابو مشاري والله يحييك فدييتك

عز الله انك اللي شرفتني بالرد الراااقي والحضور الكبيير

اسعدك الله كما اسعدتني وشرفتني بالاشاده والشهاده


الله لا يهينك

[قـاصد كـريم]

صح لسانك واعتلى شانك

طيب وشعرك طيب