قالت تغزل قلت يحول يحول..قالت علامك قلت من وين ابا ابدي

[رائد العصيمي]

السسلام عليكم..

شخباركم؟

احب اقدم لكم قصيده جديده لي يارب تعجبكم..

عنوانها(قالت تغزل)

يقول:
في ليلة ن قمرآ بها الود منقول
عمّ السكوت شوي ثم بادرت هي
قالت تغزل قلت يحول يحول
قالت علامك قلت من وين اباابدي
لن الشعر مذهول والراس مذهول
يادرة ن ماشفتها بكائن ن حي
في وصف اجزائك عجزنا وش نقول
حتى الكوي ماعاد ينفع بها كي
لاجيت ابرضي ذوقك شلون ماطول
ماغير اهدّم فالطموحات وابني
حتى كلام الحب لحظات ويزول
بروي ولهك ولكن ازريت لأ اروي
لاوصف لاتعبير لاهرج معسول
عجزت اقدم لجل عينك لو شي
لاشفت زولك قلت ياحي هالزول
وقامت عيونك والهوى يلعبن بي
لعبت فيني لعب منته بمسئوول
وصارت عيوني تحقر لذي او ذي
تشوف القطيعه جد؟ ماهوب معقول
وشلون افارق مبسمك وانت لي ضي؟
خذها من اعماقي تحية و مرسول
ياجعل ربي يالغلا يحفظك لي

وسلامتكم

ارائكم وتقييمكم

تحياتي لكم

 

 

 

 

 

 

 

 

توقيع : رائد العصيمي

اللهم اشرح صدري ويسر امري اللهم انصر اخواننا المسلمين في سوريا .. اتمنى من الجميع الدعاء لهم بالتوقيع تويتر ( رائد لمتابعة قصائدي والتواصل معي ) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] مدونتي (ياركني الهادي تراني نصيتك) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[سلطان المري]

خذها من اعماقي تحية و مرسول
ياجعل ربي يالغلا يحفظك لي


الله عليك يارائد


صح لسسسسسسسسسسانك مبدع بكل ما تعنيه الكلمه

[محمد الوريكي]

لاشفت زولك قلت ياحي هالزول
تسلم يالغالي وقصيده فريده من نوعها وجزله
وانا شهاتي فيك مجروحه
راقت لي بحق واعجبتني
لاهنت وسلمت يمناك

[حلم~]

!,
طرح رائع بكل ابعادة ومضمونه
سلمت اناملك على هذا النثر الأكثر من رائع
دام الابداع والتميز يعانق سطورك
اطلالتي
/

[مبارك الشمري]

نص راق لي اشكرك عليه يالعصيمي

تسلم يمينك على الابيات

تحياتي لك مررت

[رائد العصيمي]

اقتباس خذها من اعماقي تحية و مرسول ياجعل ربي يالغلا يحفظك لي الله عليك يارائد صح لسسسسسسسسسسانك مبدع بكل ما تعنيه الكلمه

صح بدنك تسلم ماعليك زود

[رائد العصيمي]

اقتباس لاشفت زولك قلت ياحي هالزول تسلم يالغالي وقصيده فريده من نوعها وجزله وانا شهاتي فيك مجروحه راقت لي بحق واعجبتني لاهنت وسلمت يمناك

تسلم وصح بدنك

ماعليك زود

[رائد العصيمي]

اقتباس !, طرح رائع بكل ابعادة ومضمونه سلمت اناملك على هذا النثر الأكثر من رائع دام الابداع والتميز يعانق سطورك اطلالتي /

صح بدنك

شكرا لمرورك العذب

[رائد العصيمي]

اقتباس نص راق لي اشكرك عليه يالعصيمي تسلم يمينك على الابيات تحياتي لك مررت

تسسلم ماقصرت لبى مرورك

[البرنس السعودي]

رائد العصيمي

صح لسانك مافيك حيله يامبدع

لاعدمنا جديدك الرااااقي

تحياتي