المشكله لاصار حبك لايزال ومن قديم!=ثم شفت من حبيتها تمشي بوسط عيالها

[عـــنـــآد آلـــمـــري]

السلام عليكم ورحمة الله وبركااته

المشكله لاصار حبك لايزال ومن قديم! ***ثم شفت من حبيتها تمشي بوسط عيالها

في وقتها تعرفْ مذاق النار و إتعرفْ الجحيم ***وتقول هذي عادت الدنيا وهذا حالها

تبي تمنا وقتها ماعشت وان أمك عقيم ***ودنيا البشر تصغر بعينك برّها وجبالها

كنت آتحرى وادعي الله( بين زمزم والحطيم ) ***وأثر العمانيّه سرت بخطامها وعقالها

جالي ثلاث اسنين انادي من خبرلي عنز ريم؟ ***ولّا ذلول لا قربتوها يزيد جفالها
مرباعها بين الرياض وبين شقراء والقصيم ***ولو آتكلم طول ليلي ما ذكرت أخصالها
عذرىٍ يناديها ابوها يامزعّلت الحريم *** أليا قبلت والليل يقفاها وجات لحالها
مثل العبيّه يوم تنصى الخيل والليل العتيم ***صوت العزاوي دونها (والخيل من خيّالها)
كانت على خبري منول لاتظام ولاتظيم ***لين انقطع رد الرسايل وانقطع جوالهـا
أقفت وشلفا جدّها في وسط قلبي بالصميم ***(وابو محمد ) من سببها حالته يرثالها
لو استباحت دمعة الأيتام في عين اليتيم *** ماساقت غيوم المواجع لين صك إخيالها
الله يبيح اللي مضى ويصبر القلب الحطيم *** مانيب ناشدها وش ابطاها ولا وش حالها
مغير أصبّر خافقي وأقول لاهب النسيم *** ياليتها في عيد الأضحى ماعطتني شالها
خيالها بين الضلوع العوج وعروقي مقيم *** أنا أقرب الها من شفاياها وحبة خالها
ياهيه يالعقل السليم اللي يسمونك سليم ***لا ضاقت الدنيا عليك (يحلّها حلّالها)
ماني معارض للقدر وأستغفر الله العظيم ***ياليتني زوج الهنوف وليتنـي رجالهـا

 

 

 

 

 

 

 

 

[سمـ المراجل ـو]

عنــــــــــــــاد المـــــــــري ذوووووق يا الشيخ رااائع سلمت لنا نقلت التي اضاافة لهذا القسم رووونق من نوع اخر

[عـــنـــآد آلـــمـــري]

اقتباس المشاركة الأصلية كتبت بواسطة سمـ المراجل ـو عنــــــــــــــاد المـــــــــري ذوووووق يا الشيخ رااائع سلمت لنا نقلت التي اضاافة لهذا القسم رووونق من نوع اخر

من قاال يسلم

شهاده اعتز فيهااا

ولاهنت على المرووور المميز

[الصاملهـ]

صح لسانه ملايين..

بــــــري حااالي..

جزلــة من جزل ووافــي..

يعطيك العافية وتسلم يمناك على النقل الطيب..

[عـــنـــآد آلـــمـــري]

اقتباس المشاركة الأصلية كتبت بواسطة الصاملهـ صح لسانه ملايين.. بــــــري حااالي.. جزلــة من جزل ووافــي.. يعطيك العافية وتسلم يمناك على النقل الطيب..

الله يعاافيش

من قال يسلم

لاهنتي على المروووووورش الطيبه والمميز

[عيون المها]

انتقاء بقمه الروعه


دمت بسعادة لا تنتهي

[عـــنـــآد آلـــمـــري]

اقتباس المشاركة الأصلية كتبت بواسطة عيون المها انتقاء بقمه الروعه دمت بسعادة لا تنتهي

هلا وغلا

يا عيون المهااا

مشكوووره على المرووووور الراائع

[نايف الشمري]

.., عنااااد المري

يااااويل قلب المعنااا

عز الله انه تشيب الراااس ياعناااد

مبدع واكثر من مبدع لاعدمت هالذوووق الرااقي

تقبل مروري ولاتحرمنا جديدك

[عـــنـــآد آلـــمـــري]

اقتباس المشاركة الأصلية كتبت بواسطة نايف الشمري .., عنااااد المري يااااويل قلب المعنااا عز الله انه تشيب الراااس ياعناااد مبدع واكثر من مبدع لاعدمت هالذوووق الرااقي تقبل مروري ولاتحرمنا جديدك

ناايف

والله شهااده اعز فيهاااا


مشكووور على المرووووووورك المميز والراائع

[حلم~]

سلمت اناملك
عالطرح الراائع والمميز
بانتظاار جديدك بكل شوووق
مودتي لك