سلامـــة خـــادم الحرميـــن الشريفيـــن

[شاعر الوطن]

[poem=font="simplified arabic,5,green,normal,normal" bkcolor="transparent" bkimage="" border="none,4,green" type=0 line=0 align=center use=ex num="0,black""]
حمدنا اللي من العاهات يانور البلاد أنجاك=وقمت بخير والدنيا كفاك الله مصايبها

عساك تعود لأرضك ياملكنا والشفا يبراك=علاك أرض البلاد الطاهرة حنَت مناكبها

نبى شوفك يابو متعب وفرحتنا ليا شفناك=هذا شف العيون اللي هدفها شوف غايبها

حياك الشعب ياصقر العروبة والوطن حياك=وهبَت لك بحور الماء من الفرحة هبايبها

رمح موج البحر بالمسك والعنبر وفاح وجاك=تقفاها الهوا الغربي بعد فاحت وجاك ابها

هلا يامرحبا بك كل صدر وكل قلب أغلاك=علاك قلوبنا قامت تدافع من مراكبها

حببت الشعب في نفسك وأعطيته والكريم أعطاك=صفة ماجات في غيرك وعاشت بك وعشت أبها

كفلت الأرملة والعود والأيتام بين يداك=ماباقي نفس غير أخذت من الدنيا مطالبها

من طيبك كل خايف يازعيم المملكة ينصاك=ويامن في ذرا لحيتك بعد أنه يلوذ أبها

ملك وأعظم ملك هيبتك مابين العرب تبراك=حملت أسمين من خير الأسامي ثم قمت أبها

عسى الله ياولي الأمر فيما قمت به يجزاك=على ماقمت به من مشرق بلادك ومغربها

أعمالك كلها لله وأرضك ماتبا فرقاك=تصعَد من هواها ثم صوم أبها وصل أبها

على جنبك ولي العهد أخوك اللي على يمناك=على بر وبحر من حيث ينصاها يجنبها

ونايف تعرفينه يابلاد العز مايخفاك=على شانك يادار العز عدوانك يحاربها

عن سودان الوجيه اللي بعد شربوا حلاوة ماك=رقص فعيونها شيطانها وأمسى يقالبها

وحنا لك جنود وكل ماهو نملكه يفداك=نفداك وبالسيوف وبالسلاح عداك نرهبها

مادام أنك بحكم آل السعود مريَعين عداك=تبا تبقين شجرة بالثمر فاحت ذوايبها

وحنا شعب واحد مع ولات أمورنا نحماك=نسوق أرواحنا للموت مانحسب عواقبها

هذا ماقول يادارٍ ماجا مثلك ولا حلياك=عليك ملوك يادار الوفا عليا مواهبها[/poem]

 

 

 

 

 

 

 

 

[عبدالله السفياني]

قصيدة جزلة وفيها الصور الشعرية والاطراء المتناسق بالحبك والسبك

وقوة البيت والمعنى المرتكز على المبنى في ادلجة غير وحصرية لما فيها

من ثقافة وشروق في إختيارالمفردات اللتي تسحر الالباب

ولم تكن غريبه على شاعر وقف على منبر شاعر الوطن وتلقب بذلك

والله يعافي خادم الحرمين الشريفين

ويصبغه بالعافيه ويرجع سالماًالى الوطن

[نايف الشمري]

... شاعر الوطن ...

ااالله ااالله صح لسانك وماقصرت بيض الله وجهك

قصيده جميله كجمال صاحبها اشكرك على ادراجها

والله يقوم مليكنا بالسلامه ويعطيه الصحه والعافيه يااارب ياكريم

تقبل مروري المتواضع

واتمنى منك اذا القصيده تخصك ادراج اسمك في اسفل القصيده

لحفظ الحقوق ونقلها الى مكانها الصحيح لدى قسم الشعر والشعراء وشكرا..

[للجمال اخبار وانا موجزه]

يستاهل خادم الحرمين ..
قصيده جداا رائعه..

[مميز خلقه]

شاعر الوطن

تسلم يمناك ع الذائقه المميزه

ولاهنت على اتحفنا بهالابيات الجميله


والحمد لله ع سلامة الملك عبدالله بن عبدالعزيز