معك أمانة

[سااهر]

.
.
.
حي صوت كل ما غاب عني له عنيت
شلت همه فوق همي وغاب وجيت له

كل ما أبغى أعاتبه زادني شوق ونسيت
واعتذرت من الخطأ بعد ما حييت له

ان تدلل جيت له.. وان تمادى عناد جيت
لعنبو حيه ذبحني وأنا.. حنيت له

كنت أسولف بينهم وأحسب أني به حكيت
وانشدوني قلت: نادى وأنا.. لبيت له

جاملوني.! وانتبهت وعرفت إني سهيت
مع خيال كل ما مرني.. فزيت له

زارني طيفه وهمت وبديته وانتهيت
وهزني واستغربوا.. كيف لو سميت له.؟

كل ما سج الخيال ورحل يمه.. نويت
أتبعه.. لو مصدر الجرح من سجيت له

غايب حاضر على البال كأنك ما دريت
يا خيال كل ما زارني.. غنيت له

والله إني في دلال الغلا مت وحييت
معك أمانة قلي القلب وش سويت له

تدري أن النبرة اللي بها أخذت وعطيت
ما تفارق هاجس البال من خاويت له

انت صوت كل ما غاب عني له عنيت
شلت حتفي فوق كتفي وغاب وجيت له

-
-
#شعر
مساعد عقيل
.
.

 

 

 

 

 

 

 

 

توقيع : سااهر

[بلقيس*]

وعليكم السلام ورحمة الله

قصيده في غاية الجمال والاحساس
وراقت لي كثير كثير
ويسلم ذوقك اخوي سااهر وتسلم يمين شاعرها

تحياتي وتقديري.

[سااهر]

سلمك الله وحفظك يا بلقيس
-
رشيد