وضعت الحاجز الحساس مابيني وبين الناس

[عبدالله السناني]

وضعت الحاجز الحسّاس مابيني وبين الناس
وفضلت اني اكون اكثر من الناس مع ذاتي

وضعت حدود لايمكن تخطيها مع الأجناس
ولا هي من غرور ولكن الاسباب كالأتي :

اعرف اني لو تزود الميانه مرهف وحساس
وكلمه من ميانه يمكن تغير ملفاتي

لذالك كل شي بواقعي حطيت له مقياس
وبالأول وبالأخر عشان احفظ صداقاتي

لخاطر عين امشيها واقول الأوله لاباس
اسامح مره وثنتين قبل اقطع علاقاتي

ولا ينظر بعثرات الرجال الا قليل الباس
قبل ماشوف عثرت غيري افكر بعثراتي

اجامل واتحاشى والمجامل يقطع الانفاس
دفعت حسابه وجات الضريبه في معاناتي

تعبت ابيّن الضحكه عشان استأنس الجلاّس
وانا كلي حزن مغمور خلف ستار ضحكاتي

ولا يصبر على حرب النفوس الا صليب الراس
من القوه مواجه ضحكتي لجيوش دمعاتي

ولامن ضاق صدري من زماني واعلن الافلاس
اوسع خاطري واقول مايفلس من ابياتي

عبدالله بخيت السناني

 

 

 

 

 

 

 

 

توقيع : عبدالله السناني

لاذكرتك جات بين العقل والخافق حرابه ** انت والخافق وعقلي كلكم ضد => السناني.؟ حسابي في تويتر ~> تُسعدني مُتابعتكم [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[موسى ابومشهور]

صح السانك يالسناني

[ترانيم المطر]

أبدعت

[ماجد الشيباني]

صح لسانك واعتلى شانك

[سااهر]

صح لسانك ياعبدالله

[مشعل بن ردمان]

صح لسانكك وتسلم يمينكك
قصيدة جزله من شاعر جزل
سجل إعجابي بقريحتكك الفذه والجميله
تحياتي لكك 🌹