هموم قلبي من زماني تراكن #شعر

[سااهر]

---------------
سمير أحمد الحمدان



يافلان وين اللي على حبه أدمنت

ذاك الذي ب ضلوع قلبي تماكنّ

يهون كل الخلق بس أنت ماهنت

ياللي على شانه سمعنا الأماكن

مديت له صكّ المحبه وأيقنت

وأصبح وحيد بداخل القلب ساكن

حتى حياتي لأجله العام عنونّت

وحتى نجوم الليل بأسمه تحاكن

حفظت حبّه داخل القلب ماخنت

وهموم قلبي من زماني تراكن

صديت يوم إنك على بعادنا لنت

وصدقت قول اللي من العام حاكن

خذها شهادة شكر مني وأحسنت

ياللي تبيع الحب برخيص لكن

أبقى على سلم الرجاجيل ماشنت

وأقفي لو إن الجرح فيني تماكن



.

 

 

 

 

 

 

 

 

توقيع : سااهر