جرح قلبي

[سعد علي]

يا طبيب النفس عني من درا
ما لقيت من الرفاق الا القصور

كلهم بين الثريا والثرا
لكن ان الفرق في وقت العسور

احدً لا طب فالسوق الشترا
واحدً يشري ولكنه يبور

واحدً كالذيب لامنه سرا
ما يتنقى غير من دسم الجزور

اوواحدً لا رحت لك جنب وذرا
والبقيه ما درولك لو تثور

وش جرا بالناس مدري وش جرا
والزمن هو هو بسنين وشهور

اشتهيت من البحور العنبرا
ولا لقيت الا الملوحه بالبحور

اضحك وضحكات وجهي تنقرا
كني اعبر مزاجي بالسطور

جرح قلبي له زمانً ما برا
لا متى والجرح في عظمه كسور

لا بغيت اقوم في بالي طرا
طاريً يحداه حادي من العصور

الوعد قدام والممشى ورا
والمحال يدور والدنيا تدور

استحيت ولا لقيت الا العُرا
ناسً تحفر مغاليق القبور

الله اكبر ما حد لعيبه يرا
كلً يدوّر على الثاني قصور

والله انهم لو اهم اخوان اخشرا
غير تلقى كلً بقلبه غرور

الشاعر : محمد نور جريبيع الداموكي الرشيدي

 

 

 

 

 

 

 

 

[رشيد]

الله يصلح الحال
صح لسانك يا سعد