حان الكلام اللي ضروري سماعه

[متعب الثقيل]

السلام عليكم

آخر ماكتبت ،،

____________


ياصاحبي ,, والروح عندك وداعه
مثل الأمانه ,, والأمانه ترى دين



عشقك مرض , مافاد فيه المناعه
والحب مثل الدين , دايم عما عين



جرحك نموذج , للغدر والبشاعه
وهجرك بلا سبه ! , تعازي لروحين



وشوقك بليّا صدق ,, كذب ولكاعه
وصدك بلا رده , شقاها على إثنين



مثّلت دورك ,,,,,, بآمتياز وبراعه
وأعلنت فوزك ,, والهزيمه لقلبين



طعنه بلا رحمه , مافيها شجاعه
وزله ورى زله ,, رماح وسكاكين



الثقل دايم ,,, ينتهي بالقطاعه
والوصل مثل الورد بين البساتين



حان الكلام اللي ضروري سماعه
آن الآوان , لبحث كل المضامين



ماعاد ينفع , فالطعون الشفاعه
مادام مات العذر , قبل البراهين



ذنبك قتل عذرك , نتيجة إشاعه
وقلبك قبل عقلك , تفجر براكين



مركب غرام , اللي تهاوى شراعه
ضحيته , كانت مشاعر لشخصين



خلاص ,,, ما للحب سمعآ وطاعه
خلاص ما للشوق حاجه من اللحين



دوك الكلام اللي , كئيب إستماعه
صرنا نعيش المر , فالواقع الشين



ضيقه تجي وتروح في نص ساعه
وضيقه تجي تستعمر القلب لسنين



وهمومنا صارت تجينا ,, جماعه
وأحوالنا صارت ,,, بليّا عناوين



ضاعت كنوز ٍ بالرضا ,, والقناعه
وجانا زمان الشين , غطى على الزين



والكون كله ,,,, لو يضيق إتساعه
يبقى الوفا عنوان ( بعض ) المحبين



وسلامتكم

متعب الثقيل

،

 

 

 

 

 

 

 

 

توقيع : متعب الثقيل

آللهم أشرح صدري ،، ويسرلي أمري ، ،

[انفاس الرحيل]

ضاعت كنوز ٍ بالرضا ,, والقناعه
وجانا زمان الشين , غطى على الزين



والكون كله ,,,, لو يضيق إتساعه
يبقى الوفا عنوان ( بعض ) المحبين



صح لسانك

[متعب الثقيل]

اقتباس:
المشاركة الأصلية كتبت بواسطة انفاس الرحيل [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ضاعت كنوز ٍ بالرضا ,, والقناعه
وجانا زمان الشين , غطى على الزين



والكون كله ,,,, لو يضيق إتساعه
يبقى الوفا عنوان ( بعض ) المحبين



صح لسانك




أنفاس الرحيل

صح بدنك

مرورك ، يكفيني ياراقيه

لاخلا ولاعدم يارب
،
،

[رشيد]

صح لسانك اخوي
قصيده في منتهى الروعه

[غشام البراق]

صح لسانك جزل والقصيده شاهد

[علي العنزي]

صح لسانك قصيده تدل على تعمق شعري رائع وجميل

تحمل بطياتها الكثير من المعاني والاسرار والفوائد الثمينه

تحياتى لك ودمت بود

[موسى ابومشهور]

الله الله - الله الله سبك وحبك وابداع
وروعه وجزاله متناهيه لافض فوك

شاعرنا متعب الثقيل
صح قلبك ويمناك يالسنافي

[فارس الجهيمان]

متعب الثقيل نموذج
للشاعر الذي لايأتي الا بالدرر

صح لسانك يامتعب
ارويتني شعر بنص فاخر لايمل من ترداده

عذب التحايا

[رشيد]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[أم عمر]

لا هنت على هذه الابيات المؤثره

صح لسانك لجمال ما عبرت من العتاب الجرئ

تحيتي وتقديري