أول قصيدة جمعتك بالشاعر محمد بن فطيس

[عيوني حزينه]

السلام عليكم ورحمة الله وبركاته

الموضوع واضح من عنوانه

ماهي اول قصيدة جمعتك بشاعرنا الجميل : محمد بن فطيس ؟؟

بالنسبه لي ..


هي قصيدة في شاعر المليون للشعر مضمار

في شاعر المليون للشعر مضمار=والسابقه في الشوط تظهر بيدها

ومضمرين بكار الافكار شعّار=وكل ٍ يحضر بكرته في وعدها

والي تردت لا يدور لها اعذار=معذورة ٍ ما دام قد ذا جهدها

واللي تعوص وتضرب الحاجز يسار=تشل في الدنه وترجع بلدها

وانا محضر بنت صوغان الافكار=من حبها عندي تفحم وحدها

ان جارها الله من صواديف الاقدار=جاتك وجاك الجيش كله بعدها

الله عليها من مقاريد الانظار=وصلت تحسك ما غشاها زبدها

وتلقفوها بالعلم رمز وشعار=وصفق لها منهو بعينه شهدها

ومرو بها تو المنصه كما الطار=يالي تزعفرها من الطاس زدها

شبهت بالهجن الاصيلات الاشعار=وقصيدتي تراث اهلنا مددها

أعتز به واقف له جلال وكبار=واحة شرف يا سعد منهو وردها

أغلا ابلنا في ماجب الضيف والجار=يحلب لبنها قبل يذبح ولدها

وتراثنا من دونه نبيع الاعمار=وبفعالنا روس المعالي صعدها

واليوم ضاق الجو من كثر الاقمار=تبث حقد الي لحقده رصدها

غزى الشعر قبل امس غازين الافكار=قوم ٍ على الساحة دفعها حسدها

تلقفوها ثم جاوا من كل الاقطار=هذا يصبحها والاخر هجدها

هذا يحرف بالأدب سر وجهار=وهذاك يذبح موهبه في مهدها

واقفوا على ابل الشعر في وقت الاسحار=غاروا على الساحة وعروا جسدها

وصاحت بعد ما شافت ان سترها طار=و وقف ولد زايد محمد سعدها

قال ابشري بالستر وبردة الثار=واضفا عليها سترها ما نشدها

واستل سيف ٍ فالمواجيب بتار=واطلب ورد البل على من فقدها

على خطى زايد خطاويه ما بار=والحاجه الي في خياله وجدها

اغنى العرب من شوف اكاديمي ستار=و من شوف امر من السخافات وادها

شفت الشعر بستان وابوابه ازهار=وقطفت ما يسقي مشاعر شهدها

قطفتها من ديرة ٍ تنبت احرار=من دار ابو مشعل ذراي وسندها

وإنتم ...؟s1

 

 

 

 

 

 

 

 

توقيع : عيوني حزينه

---

التعديل الأخير تم بواسطة عيوني حزينه ; 12-23-2010 الساعة 10:51 PM

[أمير الشريف]

اول قصيده جمعتني بشاعرنا المثالي والخلوق هي ( ماني بمن ياتي ولا يدرى به ) ومن خلال هذه القصيده عرفت ان ابن فطيس سياخذ المليون النسخه الاولى .. ويستاهل المليون ابو حمد ..

[العقاب]

بصراحه اول ما قصيدة جمعتني مع المحيط الهادئ هي

يالعقاب اللي على المشراف وسع لي تراني .. ضايق.ن من عام الاول وادهله قبلك وادله

[عبدالله السفياني]

بالنسبة لي لااذكر القصيدة لكن اذكر قبل التأهل الى الاربع والعشرين

كنا متجمعين وكان عمي يقول فيه شاعر مبدع وهذا صاحب المليون

فسأله احد الحاضرين فقال محمد ابن فطيس وكان يراهن على ذلك

ومن هنا قمت بالمتابعة ووجدت ذلك من ما يملكه الشاعر محمد من ابداع ويتفوق عن غيرة


بما يختزله من شعر وغزر فيما يكتب فكل قصيدة لها فكرة ورسم معين لما فيها من سبك وحبك وتصوير


ومن هنا تسيد الموقف وصبح شاعر المليون وبيرق الشعر وله التقدير ويستاهل

[,, عسـّـاف ,,]

وعليكم السلام ,, و صباحك ورررد ,,

ما أذكر بـ الضبط ,, بس أعتقد إنها /
بعض العرب حبّـه يورردك الجنوون ,,

والحين ,, معاد أدري وش أمدح و أذكر و أقول
كل قصايدهـ من ذهب ,, و ياهيـــه في رأيي اللي دايم أغيّره هي الجوهره .

عوافي أبووي ,, ^ _ ^

[نايف الشمري]

وعليكم السلام ورحمة الله

صباحك ورد وجوري

اولا شكرا على موضوعك المميز

انا طبعا جمعني بشاعرنا برنامج شاعر المليون

وبعد ذلك ماجمعني به نفس القصيده اللي انت نزلتها اخوي عيوني حزينه

اللي هي .. في شاعر المليون للشعر مضمار..

شامخه هذه القصيده

والصراحه ابن فطيس لاعدمناه اللحين وهقنا مانميز الزين من اللي أزين منه

ماغير يكب علينا من هالدرر وحنا ذبحنا في جمال ابحاره

الوكاد انه مبدع ولافيه حيله ولايلحقه قصور

تقبلو تحيتي

[عــبــدالــعــزيــز]

اول قصيده
جمعتني بالشاعر
ماني من ياتي ولا يدرابه

[لـورنس يــام]

اول قصيده جمعتني انا وبن فطيس اول مشاركه له في برنامج شاعر المليون

[' استباحه : جرح ']

العام ، خلي .. يسمع : القلب .. لاصاح
{{{{{{{ هذا اول : قصيده سمعتها .. لـ ابن فطيس ~ قبل }}}}}}}} ..
ومن هناً : بديت ~ اعشق : هذا { الشاعر } ..

[' استباحه : جرح ']

العام ، خلي .. يسمع : القلب .. لاصاح
{{{{{{{ هذا اول : قصيده سمعتها .. لـ ابن فطيس ~ قبل }}}}}}}} ..
ومن هناً : بديت ~ اعشق : هذا { الشاعر } ..