بيت لـ خلف مشعان لآ قلته أرتاح

[شـمـآلـي]

نصّ !

ياطفلة الحزن .. خلــّـيني .. أعدّ / السنين ..!!
... مادام بس الليآلي .. من وفاهن .. ( بقن ) .....!!

ولآ تسأليني طلبتك .. ( ليه قلبك حزين ) ..؟؟
... روحي .. و شوفي سنيني كم خويّ ( سرقن ) ..؟؟

روحي أسأليهن وقولي ( وش علاج الحنين )
... و إلا وش اللي بـ وسطي .. يابنيـــّـة .. ( لقن ) ...؟؟

ودي أسولف ولكن .. خوف ماتفهمين .....!!
... ليه الدموع إن تهاون .. لـ الجفن .. ما رقن ........؟؟

ياطفلة الحزن بالله .. ( مافقدتي ضنين ) ...؟؟
... أنا فقدته .. و .. حزني .. من بعده .. ( خنقن ) ......!!

غنيت للحزن عقبه .. والوجع .. و الونين ..!!
... و راحوا .. جميــع الخلآيق .. و الليآلي ( بقن ) ....!!






و نصّ آخر !

اللي دفعنــآله غلا قلوبنا .. راح ..
.. ماكنــّــه اللي كان في يوم .. منها ......!!

دنيا و أهلها .. كلها جراح بـ جراح
.. منهو .. ولو تضحك سنينه ضمنها .....!!

شفها إذا دمع الوفي بالوفآ / سآح
.. و شفها .. إذا ( عفن الأوادم ) أمنها ..!!

ياكثر مانخسر .. و يا ( قلّ الأرباح )
.. و كم وقفتن للطيب .. ندفع ثمنها ......!!

يشدّني طير(ن) على مسمعي ناح ..
.. و ياشين تغريب النفوس .. بـ وطنها .!!

و يهدّي الخافق إذا حزننا / لاح ..!!
.. و يذبح الضيقه .. و يشري كفنها ....!!

بيت لـ خلف مشعآن لآ قلته أرتاح :
.. عز الله أنه ياقصيدي .. ( وزنها ) ...!!

[ دامه زمن عقرب وحيـّـة و تمساح
.. خلّ الأسود .. تنام .. مهو / زمنها ] ..!!



و سلامتكم !

ولا هانو بقيت الشعراء

 

 

 

 

 

 

 

 

توقيع : شـمـآلـي

[الفلوه]

ياكثر مانخسر .. و يا ( قلّ الأرباح )
.. و كم وقفتن للطيب .. ندفع ثمنها ......!!

يشدّني طير(ن) على مسمعي ناح ..
.. و ياشين تغريب النفوس .. بـ وطنها .!!


شمآلي
تقديري لتلك الاحرف وذاك القلم الجميل الذي يكتب ليبدع
لروحك الوردكلمات بالقمة نفل وخزامي لروح تسكنك
اعتلاشانك ولاهنت مساءك بعطرتعدي الكون

[ريف الصبا]

يسلموا