الآ يالعبرة اللي نوخت في داخلي رجال

[الودعااني]

الآ يالعبرة اللي نوخت في داخلي رجال
يصارع عزةٍ تضحك ولو عينه بكت فرقا

نعم نبكي وكم شيخ ٍ شكا من دمعةٍ تختال
تفاخر ودهـــــا تضهر ولا تنزل ولا ترقا

تلفت للجروح اللي لها في داخله مدهال
وبلش في عبرةٍ دور لها وسط العرا متقا

نظر حاله ولآ دمعه يســابق رشفة الفنجال
وصوت يالسحاب اللي تشتت بالسما الزرقا

تلفت كل من حوله وقالو شيخنا وش قال
تذكر لمــــــة المجلس وفـــــــز بدمعةٍ غرقا

وتمتم شي من صدره تنهد في صدى زلزال
هنيك يا سوي الناس لا تدري ولا تشقا

هنيك مالك جروحٍ لها في داخلك منزال
ونا مدري جروحي يوم تلفيني وش ابتلقا

الآجتني لقت فيني معالم مــن بقايا حال
وصورة بنت راسمها تسمى بالهوى طرقا

بعدها ضاقت الدنيا ودريت ان الليال طوال
توفت ورحلت عنا عسى قبرٍ لها يــسـقـا

اجي للقبر والعزه تقول ان الرجال جبال
واقول الحين وش ذنبي تموت وترتحل واشقا

رحلتي يالعذوب اللي حفظتي ذمة الرحال
طويتي صفحةٍ بيظا أعز من الذهب وانقا

صعدتي للسحاب اللي ينوخ همة الخيال
وهذي سنة الدنيا أحد يرحل و أحد يبقا

يعزي قصتي حلمٍ يجي من يمها مرسال
بداية مولده لقيا وافز اصحى على فرقا



الشاعر : مشعل بن جريد

 

 

 

 

 

 

 

 

توقيع : الودعااني

من صاحبـي زلتـه لاجـات امشيهـا امــا عـلى حشـمته والآ لشيبانه اطـا عليها ولا كنـي بـمـوحـيها واصد عنها وابرر غلـطـة لسـانه واحسب عواقيبها والله يـعـديـهــا من خوف لايدري الحاقد وشـيـطانه

[فرح الشهري]

صعدتي للسحاب اللي ينوخ همة الخيال
وهذي سنة الدنيا أحد يرحل و أحد يبقا

صح لسان الشاعر والف شكر على النقل المميز للشعراء الكبار <عوااااااااافي

[الودعااني]

اقتباس:
المشاركة الأصلية كتبت بواسطة فرح الشهري [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

صعدتي للسحاب اللي ينوخ همة الخيال
وهذي سنة الدنيا أحد يرحل و أحد يبقا

صح لسان الشاعر والف شكر على النقل المميز للشعراء الكبار <عوااااااااافي

فرح يستاهل الشاعر ويعافيك ربي يالغاليه اشكرك ,,

[فراشة]

وكَ آلمعتآد مميز في آلآنتقآء .. سلمت آلانامل
ودمت ودام عطآئكَ ,, وكل عآم وانت بٍ خيرً

[الودعااني]

اقتباس:
المشاركة الأصلية كتبت بواسطة فراشة [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
وكَ آلمعتآد مميز في آلآنتقآء .. سلمت آلانامل
ودمت ودام عطآئكَ ,, وكل عآم وانت بٍ خيرً

فراشة التميز اقتبسه منكم يالغالين اشكرك ولاهنتي ,,