.. هـابـس ..

[الودعااني]

معـنـى عـلـى معـنـى .. و طـــرق .. و تراكيب
هــمـــي و تفكيري و صوتـــــــــــــي و قـافــــــي

عـزلـه عــن العـالـم .. و حـــزن .. و مصاليـب
دمــــــع و سكوت و قطع وصــــــــل و تـجــافـــي

ليلة قصيد .. يِـــــــــــــرّد عنها الأصاحــــيــــب
و على إنفراد .. اِتباح فــيــهــــا الـــخـــوافــــي

يـا هــــابـــس .. الدنيا متاهـة ســـــــراديـــــــب
ماهـي على ظـنّك .. ســــحـــاب و فـــيـــافـــي

شف رجفة كفوفي عـلى طـــــــارة الــجـــيـــب
تنبيك عن رجف الضلـــــوع الـــــــروافـــــــي

شــايب ولو ما بان فـي راســـــــي الــشـــيـــب
الشيـب فـي جــــــوف المعاليق ضــــــافــــــي

في كل مـــــــــره تشرق الشمـس و تـــغـــيـــب
و انــــــــا على وضعي .. جفافي جـــفـــافـــي

إن شـــــفـــــت بوجيه العرب لـي تراحــيــــب
ما شفت بقلوب الــــعـــــرب لـــــــــي مـصافي

بـــعــــيــــونــــهــم كــلـــي عــيـوب و عذاريب
و أصــــــدق عــذاريــبـي .. سـبـب لاخـتلافـي

هــــــــــذا زمــــــــان الـكذب و الــغـدر و العـيب
مـــــــا هــــــو زمان يـعـيـش فـيــه الـــســـنــافــــي

إن جــيــت أغــنّــي يـقصر الــقـاف .. و يـشـيب
و ان جـــيـــت انـــــــام الــلــيــل .. يــقصر لحافي

و ان جــــيـــــت أسـولـــــف للجروح الـمعاطيب
أعـــــطـــــبــــت فــيـني كـــــل جرح مــــتــعـــافـي

ضـاق الـحـشا .. و الـصـمـت يـحــتــاج تـرتيــب
و انـــــــا عــــــلــــى صــــمــتــي كـتبـت إعـترافي

الأرض مــالـــت .. و الــفــضــا وضعــه مريب
و أربـــع جــهـــات الـكون .. سـجن و مــنافــي

أكـــــــتــــب و لا ادري ويــــــن أودي المكاتـيب
الـــــــمــــوت قـــــــدامـــــي .. و عمري خلافي

يـــــارجــل سجّـي فــــــــــــوق روس المراقيـب
مـــــــن قــــــبـــــــل أسـوقـك لـلبحـر و الـمرافي

ويـــــــــــــا راس و ان دارت عـليك الـدوالـيـب
عـــن طـــيـــحـتـك .. تـــفــداك روس الهـرافـي

مـــــــــــا طـــــــوعـــــــنّــــي زاهــيات الجلاليب
و لا أكــــــــســــــرونــــــــي لابـسـين الـقحـافـي

إن مـــــتّ .. مــــوتــــي مــن كـبار المكاســيــب
و ان عـــــشــــت .. ( حرٍ ) بوقفتي و أنصرافي

الشاعر : عبدالله ذويبان

 

 

 

 

 

 

 

 

توقيع : الودعااني

من صاحبـي زلتـه لاجـات امشيهـا امــا عـلى حشـمته والآ لشيبانه اطـا عليها ولا كنـي بـمـوحـيها واصد عنها وابرر غلـطـة لسـانه واحسب عواقيبها والله يـعـديـهــا من خوف لايدري الحاقد وشـيـطانه

---

التعديل الأخير تم بواسطة الودعااني ; 08-14-2012 الساعة 07:40 AM

[بدر الشدادي]

هــــــــــذا زمــــــــان الـكذب و الــغـدر و العـيب
مـــــــا هــــــو زمان يـعـيـش فـيــه الـــســـنــافــــي
بيض الله وجهك يالودعاني دائمأ تطربني اختياراتك وانتقائك الجزل للامانه وماشالله عليك تمتلك ذائقة شعرية رائعه جدأ وان ماخاب ظني فانت شاعر يالقرم
لاهنت ولاهان راسك وبنتظار جديدك بلاشك

[الودعااني]

اقتباس:
المشاركة الأصلية كتبت بواسطة بدر الشدادي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

هــــــــــذا زمــــــــان الـكذب و الــغـدر و العـيب

مـــــــا هــــــو زمان يـعـيـش فـيــه الـــســـنــافــــي
بيض الله وجهك يالودعاني دائمأ تطربني اختياراتك وانتقائك الجزل للامانه وماشالله عليك تمتلك ذائقة شعرية رائعه جدأ وان ماخاب ظني فانت شاعر يالقرم
لاهنت ولاهان راسك وبنتظار جديدك بلاشك

ووجهك ابيض فديت خشمك الا بيض الله وجهك انت على تلبية طلبي يالامير

ههههههه لابالله مانيب شاعر بس متذوق من الدرجه الاولى ,,

لاهنت طال عمرك ,,