لو يقال الخيل والبيداء

[ناصر بن حسين]

شاعر ولي ساسي ومبداي شاهد والقبيله
والمعاني والقوافي والبحور ومن صخرها

كل بيت يطب للميدان ويشب الفتيله
مثل راس طويق والصمان والقاع وقمرها

بعضكم عارف مقامي والبعض يلقى دليله
كل نفس تهتدي للحق من سبت بصرها

لا دعيت الهاجس اعنيه في شل الثقيله
بالخصوص ان بان تو رجال تنطح من دحرها

وان تعزوا فالمواقف مدته دايم طويله
رايته تشمخ على الرايات وتبرر فخرها

بين مد وجزر يرسي دون لا يخسر عميله
والجزاله داخل ابياته بمنطوقه حصرها

والشلي ما حن ندور بين خلق الله بديله
لن وقفاته نبيله والمعالي في خبرها

قالو ان العلم نور وكل شي له مديله
والشلي درب الردا والذل بعزومه طمرها

الجماله تنغرس عند الشلي مثل الفسيله
حزة الشده تحصلها وتجني من ثمرها

والجماله فالردي مثل الجمر تحت المليله
يوم تاتيها معى الشدات ينتالك سعرها

مثل من جاها الجرب فالذود تفرد دون حيله
لا لبنها تنتفع منه ولا حتى وبرها

ذي فقط زخات وبال قبل حل المسيله
جات مثل اللي تنفل فوق متنيها شعرها

الهنوف اللي لها الوجدان ساحه مستطيله
دمه الطاهر لجل ترضى وطاقاته هدرها

ناصر بن حسين جاكم والمشاريه اتحبيله
الشريف اللي مواضيعه تجلا في صورها

لو يقال الخيل والبيداء تعرفني قليله
دامت عيون الضرير تشوف حرفي في نظرها

وان بغيت اقول باني قد صنعت المستحيله
شفت عين المستحيله ترتقي لي في بطرها

 

 

 

 

 

 

 

 

[فزاع المرشدي]

صح لسانك ياناصر

كفوووو يامبدع

قصيده جزله من جزل

[ناصر بن حسين]

اقتباس المشاركة الأصلية كتبت بواسطة فزاع المرشدي صح لسانك ياناصر كفوووو يامبدع قصيده جزله من جزل

صح بدنك يا فزاع

ولا هنت على المرور وما عليك زود يا ذيب

والجزل هو مرورك الرائع تقبل تحياتي وخالص تقديري

[سحابة الطائف]

لو يقال الخيل والبيداء تعرفني قليله,,,,دامت عيون الضرير تشوف حرفي في نظرها
راق لي كثيييييييييييييييييير
تسلم ناصر صح لسانك أبدعت شاعر مافيك حيله

[ناصر بن حسين]

اقتباس المشاركة الأصلية كتبت بواسطة سحابة الطائف لو يقال الخيل والبيداء تعرفني قليله,,,,دامت عيون الضرير تشوف حرفي في نظرها راق لي كثيييييييييييييييييير تسلم ناصر صح لسانك أبدعت شاعر مافيك حيله

سحابة الطايف صح بدنش والله يسلم روحش
ويعطيش العافيه على المرور والاطراء الجميل

تقبلي تحياتي وخالص تقديري

[بدر الشدادي]

ناصر بن حسين صح السانك واعتلا شانك لاهنت
تحيتي لك

[ناصر بن حسين]

اقتباس المشاركة الأصلية كتبت بواسطة بدر الشدادي ناصر بن حسين صح السانك واعتلا شانك لاهنت تحيتي لك

بدر الشدادي صح بدنك

والله يعلي مقدارك ولا تهون يا شنب

وتقبل تحياتي وخالص تقديري

[خالد العبيريد]

هلا ياناصر حياك الله ,,

صح الله لسانك وصح قلبك وكلك ولاهنت شاعر كفو وجزل ,,

كل تقديري وشكري لك .

[ناصر بن حسين]

اقتباس المشاركة الأصلية كتبت بواسطة خالد العبيريد هلا ياناصر حياك الله ,, صح الله لسانك وصح قلبك وكلك ولاهنت شاعر كفو وجزل ,, كل تقديري وشكري لك .

الاخ خالد العبيريد

هلا بك والله وساهل وابقاك الله
صح بدنك وقلبك وكلك ولا تهون يا ذيب وما عليك زود
تقبل تحياتي وخالص تقديري

[عبدالله سعود المتعب]

ابوحسين كل مااقرالك قصيده اتشوق لجديدك

لايشبهك سوى قلمك مبدع لله درك

وصح الله لسانك وصحت معاانيك