بين الحزن والسعاده

بين الحزن والسعاده

برد الجو وانا بين حزن وسعاده=المشاعر حزينه والضماير تنادي
قلت ابا احط في عنق الليالي قلاده=قالت عيون شعري غردي يا بلادي
المعاني يتيمه ضد حرب الاباده=والقوافي سمينه والمبادي مبادي
بورما يشتكي الاسلام فيها زناده=يوم بوذية اهل الشرك ترعى الاعادي
وين شهر الصيام ووين فضل امتداده=ووين حق العباده في ضلال العبادي
كل ما قلت ابا ابدا رد قلبي مراده=لين رابت دموعي واصبحت كالزبادي
ما زرعناه لازم يوم ياتي حصاده=يا الله احسن خواتمنا وعطني مرادي
اقبل الشهر فاتح للفضايل مزاده=والاجر من اله الكون ماله نفادي
سلعة الحق فيها النور بان اتقاده=ما عليها ضباب وما عليها نفادي
يوم كلا فتح للدين صافي فواده=شاع نور الهدا والصوت دوا وسادي
يا عيوني عليش الله خلي الوساده=ويا فوادي خذ من الصبر زين العتادي
وافتح كتاب ربي واحفظه عن كساده=جل سبحانه المعبود في كل وادي
البرامج معى شهر الله لها سياده=خل قلبك معى الرحمن في كل نادي
لا اصبح ابليس واعوانه يعزي عناده=لا تخلي هواك يصير للروح هادي
الهوا واجب انا نعتني في جهاده=كم علينا سطا واعلن علينا الهجادي
اترك الطاش واللي طاش لابو عراده=واترك مناحي الثرثار خلف الروادي
وان لفى باب حاره خل عندك جلاده=اقفل الباب واصرخ يا الهوا روح غادي
المجاهد يعانق فالمعارك جواده=وانت حل المعارك خل وقعك ريادي
ما يخيب الذي بالله حط اعتماده=وما يفوز الذي غطا سبيل الرشادي
انت يا راعي المعروف كب القراده=واعمل ليوم حشر الناس يوم التنادي
ذي مجرد نصيحه ترتعي كالجراده=في فواد النبيه وفي عروق المنادي
كل فعل لزوم انا نشوف ارتداده=يا الله انك تجمل وقفتي وارتدادي

المصدر: الملتقى الجماهيري للشاعر محمد بن فطيس المري

ما كنت اظن اني مثقل على الناس=الا بعد تهميش هذي القصيده

ولا كنت اظن ان المعاني لها ساس=في داخل الشريان والا وريده

قصه لفت وانا على طول منحاس=لجل اني اولد معاني جديده

واشوف كن شعري غدا دون مقياس=بين القرايب ضاع لذة بعيده

الشعر وهبه ليس تدريس كراس=ما بين لوحات الجمال الفريده

وانا تملكته على كل الاجناس=حتى وضعت الروح داخل نشيده

_

البرامج معى شهر الله لها سياده
خل قلبك معى الرحمن في كل نادي

اي والله صدقت , الله يرحم الحال
الشاعر ناصر بن حسين صح لسسسآنك وجمّل الله حالك
قصيده ونصحيه جميله من شاعر عذب
وبَ العكس منت مثقل على الناس
بس تلاقي الاعضاء لاهين شوي ,

مرحبا ومسهلا يابو حسين حيااك الله يالقررم ,,

صح الله لساانك وصح قلبك وكلك ولاهنت على هذى الشامخه والمعهوده من أحساس شاعر مثلك وشرواك بيض الله وجهك يالقرم ,,

كل تقديري وشكري لك وشهادتي فيك مجرووحه .

اقتباس:
المشاركة الأصلية كتبت بواسطة خالد العبيريد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
مرحبا ومسهلا يابو حسين حيااك الله يالقررم ,,

صح الله لساانك وصح قلبك وكلك ولاهنت على هذى الشامخه والمعهوده من أحساس شاعر مثلك وشرواك بيض الله وجهك يالقرم ,,


كل تقديري وشكري لك وشهادتي فيك مجرووحه .

ابقاك الله يا ابو سهيل وصح بدنك وكلك ولا هنت على المرور الرائع
ووجهك ابيض وشهادتك فخر لي يا ابو سهيل
تقبل تحياتي وخالص تقديري

صح لسانك ياناصر شاعر جزل ولاهو غريب

استمر ولا عليك من الردود انت شعرك له حضوره وزواره

تحياتي

اقتباس المشاركة الأصلية كتبت بواسطة هوى الغربي صح لسانك ياناصر شاعر جزل ولاهو غريب استمر ولا عليك من الردود انت شعرك له حضوره وزواره تحياتي

الهوى الغربي صح بدنك ولا هنت على الاطراء

والمرور الجميل وتسلم على كل حرف هنا تحياتي وخالص تقديري

صح السانك شاعرنا قصيدة رائعه

صح الله لسانك يا ابو حسين على القصيده الجزله


والقصيد الجزل مثل قصيدك ما يهمش طال عمرك لكن يمكن الوقت ما كان مناسب

مثل التواجد قليل اثناء الطرح ومثل كذا والا كل قصيده هنا تاخذ حقها

الشاعر ناصر بن حسين

صح السانك مدد

ابيات فيها النصح والجزاله

بيض الله وجهك

تقبل خالص تقديري لشخصك الكريم