وشـــــلون حال ( المملـــــكة ) ؟!!

[مميز خلقه]

وشـــــلون حال ( المملـــــكة ) دام الخــــيانة من ملــك ؟!!

قبل ابتدي عندي طلب .. ركّز ( طلب ) ماهو رجاء
ماأبي تجاوبني ولا تستغرب اني أسألك ..

لا تعتبر جمر الحكي من شاعرك يعني هجاء
لو كنت بهجي حضرتك .. ماخفت منّك قلت لك


هذي القصيده صنفـت في دفتري قصة رثاء
حب ِ يموت وتنولد! .. وحب يعيش ويقتلك!


ناديت لك ياما .. ولا لبيت لي وضااع النداء
مبحوح صوتي والصدى .. من كثر ماناديت لك


أقرب من ثيابي علي .. وأبعد من نجووم السماء
ورغم إبتعاادك والتعب ... أرسم طموح وأمهلك


ماكنت لي الداء .. وأنا ماكنت لـ جروحك دواء
ماعشت في دنياي لي .. عايش ولكن عشت لك


علمتك... القلب الوفي .. مااايخذلك فيه (إنتماء )
وعلمتني... كيف القسم في من تحبه .. يخذلك


علمتك إن أصل الهوى .. يرجع لكلمة ( إحتواء )
وعلمتني.... ان الهوى .. ماعاش يوم بـ داخلك



علمتك اني لك بحر ( مدّه وجزره ) لك وفاء
وعلمتني كيف انصدم وأغرق وأنا في ساحلك!!


ماتستحي..! ودامك كذا .. إفعل حبيبي ماتشاء
توي عرفت اني كثر ماأعرفك .. كنت أجهلك..!


ماكان قلبي بس لك .. وقلبك لعب دور الدهاء
وماكنت لك أقرب من أنفاسك وأقرب من هلك ؟


ماعاد تفرق غيبتك .. أو رجعتك عندي سواء
كنت إهتمامي ورغبتي .. وألحين دوري أهملك


لا صار قلبي لك وطن .. أبسألك وين الولاء ؟
وشلون حال المملكه دام ((الخيانه)) من ملك!!



إن كنت جاهل ( لعبتك قلبي ) ومافيها ذكاء
حتى الطفل ان جبت له ( لعبه ) ولاءه صار لك..



قبل انتهي عندي أمر ماهو طلب ولا رجاء
لا يشغلك ماضي انتهى .. ركز على مستقبلك....


آحمد الصانع

 

 

 

 

 

 

 

 

[فيصل بن عبدالعزيز]

ذذالك الاسم الذي نشاهده قصائده الغنائيه تتداول بين اكبر الفنانين والمطربين .. صاحب الحرف الجميل احمد الصانع .. يالله اعتقد له قصيده رائعه غناها الفنان راشد الماجد هي التي اضاءءة اسمه في مخيلتي ولكن لا اذكر بالضبط راجعو في سجل الشاعر وحتماً ستجدون مضمون كلامي .. صح لسانه قصيده يكساها الشموخ اخي الغالي كما يكساك الشموخ ايضا فحرفك الجميل وطرحك المميز يبان في صورة صوره تبرهن لنا الحقيقه .. مميز خلقه .. امتعتنا بنقلك الجميل .. تقبل مروري واعجابي بشخصك الكريم .. تحيه عظيمه ياعظيم

[صاحبة سمو]

صح السانك والسان من قالهاا

جعلك ماتهون يارب

ابيات شعريه جمليه فكما عودتناا لاتحمل بين طيات
مواضيعك الا مــــــــاهو جميل وغاوي

الف شكر لك ولطرحك

بأنتضار جديدك بشغف

[مميز خلقه]

فيصصل بن عبدالعزيز

ربي يعافيك على المرور العطر


لاهنت

[مميز خلقه]

صاحبة السمو


اشكرك ع التواجد


لاهنتي

[نايف الشمري]

... مميز ...


وشلون حال المملكه


الله الله مميز ياعزيزي اسعد الله ايامك لهذه التحفه

دائما ماتفجئنا بطرح فريد من نوعه

تقبل مروري تحيه لك

[مميز خلقه]

ناايف اشكرك ع التواجد العطر


لاهنتي عزيز

[الشراري]

صح السان الشاعر
مبدع دايم بأختيارك اخوي مميز
تقبل ودي

[البرنس السعودي]

مميز خلقه

مميز بنقلك الراقي

لاهنت ولاعدمنا جديدك الراقي

تحياااااااااااتي

[جبرني غلاك]

مميز خلقه
:


طرح متـمــــــــــــيز للغـــــــــــــــــايه..
سلمت اناملك ع طرحك الرائع والمتألق ..
والله يعطيك الصحه والعــــــافيــــــــــــــــــه..
ولاعدمناوجودك المتميــــــــــــــــــــز..ولك خالص ودي..

: