الهدف لو ما تحقق بعد تذييرة وحوم....اقدر اقول الفريسة صيد للصقر وفلت

[عامر صالح ال شنيف]

السلام عليكم ورحمة الله وبركاته

متواااضعة وقديمة في نفس الوقت عسى ان تروق لكم

لبن آدم من ورى الدنيا طموحات وحلوم
والنهاية شي لا يدرك لو النفس أوصلت
والإرادة نصر يكفيني ولو كنت أمهزوم
والهزيمة هي خلاصة جهد ويدين ابذلت
والهدف لو ما تحقق بعد تذييرة وحوم
أقدر أقول الفريسة صيد للصقر وفلت
العفو يا صاحبي محد ٍ من الذنب أمعصوم
والخطايا ما تعرف العيب شفها أستفحلت
وأعوجاج الذنب يجبرها على حب الخشوم
وليت خشم العفو يقبلها كثر ما زعلت
ما دريت ان التمادي ينهك الصدر الكتوم
لين شفته ضاق وعيونه من الدمع أهملت
وما دريت ان التغافل يكسر القلب الرحوم
لين شفته منحني من كثر ما هي حملت
البشر من طبعها تخطي وهو طبع امحتوم
والمصيبة لا تمادت فالخطا واستجهلت
وخصها لا جات من غالي ومن ناس ٍ قروم
تبلش ابتفسير دافعها على ويش ادهلت
وكلما غضيت طرف ٍ زاع من بين التخوم
ما يفتـّح للقهر ابواب وامداها اقفلت
والقهر لا جيت تنطح للزعل مدخال لوم
ما يردك فال كلمة زانها الطيب وحلت
والله اني ما بغيت العلم تعثابه علوم
ولا دهم صدري بعد ما هي فحقي استنذلت
غير دعوة لجّة أبصدري وشمرت الكموم
سامح الله كل نفس ٍ بادرتني وانكلت
لجل يمديها تذكر من غدى فينا ظلوم
وانحناء الروس يحمل كسرها يوم اعتلت
والمصيبة لا بداها الوقت فثياب الخصوم
عضّت الابهام تكشف ما لها يوم ٍ غلت
والصقر لا خانته حومه تعليه الرجوم
والرجل لا بارت اعزومه فلا كنها احصلت

وسلامتكم وسلامة نواظركم

عامر صالح ال شنيف

 

 

 

 

 

 

 

 

[سعيد محمد القحطاني]

ارحب يبو صالح يالله انك تحيه
وماجابه عاداتك عزالله ماتجيب الا الجزال السمان



والصقر لا خانته حومه تعليه الرجوم
والرجل لا بارت اعزومه فلا كنها احصلت

انشهد انك مليتها عدل صح الله لسانك ولاهي
غريبه من شاعر في مقامك تقبل تحيات وتقدير
وتقدير اخوك سعيد ولاهنت

[الفلوه]

والإرادة نصر يكفيني ولو كنت أمهزوم
والهزيمة هي خلاصة جهد ويدين ابذلت
والهدف لو ما تحقق بعد تذييرة وحوم
أقدر أقول الفريسة صيد للصقر وفلت
العفو يا صاحبي محد ٍ من الذنب أمعصوم
والخطايا ما تعرف العيب شفها أستفحلت
وأعوجاج الذنب يجبرها على حب الخشوم
وليت خشم العفو يقبلها كثر ما زعلت

عامر صالح ال شنيف
صباحك ببريق احرفك الجميلة ايها القدير
كلمات رائعة راقية من فكرلازال يمتعنا
بتميزقصيدة كتبت فنحنت الابجدية لبريق من شعرك
سلم نبض قلبك دمت بسعآدة وشموخ

[التهامي]

اقدر اقول انك ماتجيب الا الجزل

صح لسانك وسلمت يمينك

اعجابي اليوم ودوم

[محمد يامي]

صح الله السانك
ابداع بحق

[فهد ثامر البقمي]

حياك الله ويا مرحبااا
صح السانك دوم اخووي عامر
رائع انت وقصيدتك فوق الخيال جميل وعذب ومبدع
الله لا يضرك اخي
دمت بخير
تقييييييييم

[محمد الشريف]

وخصها لا جات من غالي ومن ناس ٍ قروم
تبلش ابتفسير دافعها على ويش ادهلت

اخوي عامر ليس لدي مااقوله كعادتك مبدع الله يحماك
صح لسانك ولاهنت وفي انتضار ابداعاتك

[الماسـه]

ماشاء الله . . صح لسآنك عامر
ابيآت رائعه وقمه فالجمآال
ابدعت بكل بيت فيهآا وهذا ماهو غير على شاعر مثلك
الله يحفظك ويحميك يآرب

[خالد العبيريد]

وعليكم السلام ورحمة الله وبركاته ,,

ياهلا وياهلا ويامرحبا ترااحيب الغلا حياك الله يالشنيف ,,

صح الله لساانك وصح قلبك وكلك وسلمت ودمت يالقرم على الجزاله والتميز لله دررك يابو صالح جزل وشهادتي فيك مجرووحه ,,

كل الشكر والتقدير لك وارق تحيه لجديدك وقديمك يالمميز .

[فراشة]

ليس مستغرب منكــ الابداع ..
صـح لسانكـ ... وأعتلأ شأنكـ ..

وديّ+++