أمي تقول : بنيّتي ما مثلها بالناس حيْ

[بنت برقا]

أمـي تقـول بنيّتـي مـا مثلهـا بالنـاس حـيْ

لا بالذّرابـة والسّـنـع ولا بطـيـب أفعالـهـا

وانا بقول أمّـي تراهـا فـي حياتـي كـل ضـيْ

وش هي حياتـي دون جـو(ن) يهتنـي بقبالهـا ؟

أمـي صباحـات السعـادة ، دونهـا مافيـه أيْ

شيّ(ن) يصبرنـي علـى عـبء الحيـاة و كالهـا

أمي حمامـة للسـلام وسـام فـي عمـري و زيْ

ضي النجوم اللـي فـلا عنهـا غِنـا و ادلالهـا

لا سولفت كنّ الحـروف تزاحمـت فيهـا لكـيْ

تنساب من ثغر(ن) كمـا شهـد العسـل يحلالهـا

أمي كبرت و مُنيتـي أصيـر أنـا مثلـك شـويْ

وآخذ من طبوع الكرامـه والكـرم وارقـى لهـا

قالت: [[عساك أطيب و أشوفك في حياتك شي شي

والا تـراك بناظـري طفلـة وسيـع(ن) بالـهـا

اللي تغيب و تختفـي ثمّـن تعـوّد لـي بـ[ دَيْ]

هي فرحة أيامي .. حلاها فـي وجـود دلالهـا ]]

ألقى مع أمي بيـن جـوّ الملهيـات أطيَـاب فـيْ

يالله لا تـحـرم حيـاتـي سعـدهـا و ظلالـهـا

يفداك يمه كـل عـرق داخلـي ينبـض و حـيْ

و روحي قبل روحـك إلا مـن الملـك يشتالهـا

بوح / شمايل تميم

.

.

.

 

 

 

 

 

 

 

 

توقيع : بنت برقا

التصوير ..ايقاف لحظه من الزمن تبقى للأبد تغني عن كل الكلمات

---

التعديل الأخير تم بواسطة بنت برقا ; 04-26-2012 الساعة 11:24 AM

[المطنوووخهـ]

لاهنتي على النقل الطيب يالغلا

[بسمة غزل]

الله مره رهييييبه

يعطيك العافيييييييه

[حطموكـ ياقلبي]

يسسسلمو أخــ.ــتي بنت برقـ.ــا .ع. الـآبيـ.ــأت ألـ.ــرآقيـــه...

ويع ـطيكـ. ألـ؛ــف عــ.ـآفي ــــه ...

والله . لـا يحرمـ،ــنــا طـ.ــرحكـ. ألمميز ...

تقــ؛ــبل زيـ.ـأرتـــ؛ــي ,,,,