في منتدى جعل فدوه منتداياتها

[محمد الشريف]

من شامخات المعاني مثل صم الجبال
انحت حروف القصيده فوق هاماتها
وازيدها حبكه وحنكه وذوق وجمال
وابرز معانيّها من فوق وجناتها
قصيدةٍ صافيه بعد النقا والزلال
يشره علي من قرى ياناس زلاتها
واهدي سلامي وودي للنساء والرجال
في منتدى جعل فدوه منتداياتها
سعيد ويّاالعتيبي والبقيه جزال
شعار ماتنحصى في الشعر جزلاتها
شاعر وجرحي مكين ان زال اثر مايزال
حبيت والعاشقين احصوا جراحاتها
فارقني الي حسبت انه يقفي محال
مضنون عينٍ يحيف تهل دمعاتها
ياحسبي الله على راعي الحسن والدلال
سنينه الي قضاها وين حسناتها
صف الندم من على غاربه واقف عدال
وصفوف رجواه واقفتن بميلاتها
يبكي القلم وسط يدي واحسب انه هبال
واسمع ونين الورق واسمع تنهاتها
واوحي براسي مثل ضرب القنا والسلال
ويشوش فكري من الفرقا ولوعاتها
لاسامحك ياوليفي ربي الله تعال
دقت سلوف الجفا يابعد رحلاتها
جرحتني جرح مايضمد علي الحلال
حتى الاطباء مهي تنفع جراحاتها

 

 

 

 

 

 

 

 

[هوى الغربي]

صح لسانك يامحمد نص جميل

الله يعطيك العافيه

[خالد العبيريد]

حيااااااااك الله يامحمد ,,

صح الله لساااانك وصح قلبك وكلك ولاهنت على هالمعزوفه الجزله ودمت متألق وجزل لو غمضتها شوي والا مانبي نفسر خوافيها ,,

لكن مثل ماقال السديري الله يرحمه ,, الله يلحق كل نفس ٍ هواها ,,

شكري وتقديري لك يالمبدع .

[محمد الشريف]

حياك الله يالهوى الغربي وصح بدنك ولاهنت على المرور الجميل

[محمد الشريف]

ياحيالله ياحيالله ياخالد وانا ماهو يفهمني الا انت في المنتدى ههههههههههه
واما من ناحية خافي الله عليك المستعان حن هنا اخوان مانخفي على بعض ههههه
لاهنت على مرورك العذب

[حطموكـ ياقلبي]

يسسلمو أخــ؛ــوي .ع. ألـا بيـ.ــأت الرآئــ؛ــعه ..

ويع ـطيكـ. ألـ؛ــف ألـ؛ــف عـآفيــه ...

والله. لـا يحرمــنــ.ــا جديدكـ...

تقــبل زيآرتـ.ــي ,,,

[هايدي الحلوه]

صـح الله لسسانك

[عامر صالح ال شنيف]

يا هلا وغلا فيك يا الشريف
صح الله السانك وعتلا شانك
بيض الله وجهك على هالحضور الجميل
تقبل مروري المتواضع

[موسى ابومشهور]

جبتها يامحمد الشريف جبتها ههههه
شاعررررررائع الى اعلى قمه في
الشعر والابداع والروعه سلمت يداك
ويمناك يالسنافي لاهنت لاهنت لاهنت

[محمد الشريف]

مرحبا ياحططموك ويسلمك ربي من كل شر ومكروه وصح بدنك وقلبك