يابيت

[فاقده ابوها]

[frame="7 10"]
يابيت شعري لاتوقف على جال
اعبر وهات القيمه والثمينه

اورد علا فكري كما الغيث همال
وخل الهزيله منك واعط السمينه

يابيت لامنه طرى شي بالبال
غديت انا وياك مثل السفينه

تقتادني يابيت من جال ليجال
مثل البحر لامن لعب بالسفينه

واصبحت انا يابيت هايم ورحال
اسرح ابفكري بين زينه وشينه

واسهر ابتالي الليل واجر موال
وغيري لذيذ النوم هم مهتنينه

يابيت قلي وينهي راحت البال
حالي نحل ياعل ربي يعينه

يابيت انا دنياي عبرات وامثال
منهو غدى مثلي لهمه رهينه

لعبت بي الدنيا كما لعبت الشال
في يد عذرا بالهوى مستهينه

اجي على اليمنى وهي تاتي اشمال
واجي لها يسرى وهي لي فطينه

تعبت انا في دنيتي والعنا طال
ويش الدوا للي حياته حزينه

يابيت لاتبدي من الهم مثقال
خل العلوم اللي عطيتك دفينه


-------(( فااااااقده ابوها))



[/frame]

 

 

 

 

 

 

 

 

توقيع : فاقده ابوها

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] يا قبر أعز إنسان غالي رقد فيك0000خفف عليه من التـراب الثقيلـي يا قبر ماني طيب عقب راعيك0000اللي رعاني صار عندك نزيلـي أغليك أنا يا قبر من حب راعيك0000مرحوم يا راعي الوفا والجميلـي ياللي سكنت القبر صوتي يناديك0000موتك جرح قلبي وهديت حيلـي ما أنساك والله لين قبري يوازيك0000وأعلن من الدنيا العريضه رحيلي (( بنــــت ياااااااااااااام ))

[ترانيم المطر]

صح لسانك أختي فاقده أبوها والله يفرج الحال
كلنا فاقدين ابونا بس الحزن ما يرد غالي
تحياتي

[فاقده ابوها]

اقتباس المشاركة الأصلية كتبت بواسطة ترانيم المطر صح لسانك أختي فاقده أبوها والله يفرج الحال كلنا فاقدين ابونا بس الحزن ما يرد غالي تحياتي

صح بدنك يالغلا وش تبيني اسوي الله يعين

[الع ـابــر]

اقتباس لعبت بي الدنيا كما لعبت الشال في يد عذارا بالهوى مستهينه

الله


تصوير قليل في حقه كلمة جميل ،،

رغم الحزن الذي يحمله النص في طياته إلا انه زاد من جماليتها

صح بوحك يّ بنت وعيل وفالك البيرق .!

[فاقده ابوها]

اقتباس المشاركة الأصلية كتبت بواسطة الع ـابــر الله تصوير قليل في حقه كلمة جميل ،، رغم الحزن الذي يحمله النص في طياته إلا انه زاد من جماليتها صح بوحك يّ بنت وعيل وفالك البيرق .!

صح بدنك ياخوي ومشكور ع المرور ولاهنت

وللتصحيح الخطا مني وقع سهوا في الشطر اقول ---- لعبت بي الدنيا كم لعبت الشال---في يد عذرا بالهوى مستهينه

[الماسـه]

صح لسآااااانك قلبي
مبدعه وربي
الله يحفظك يآارب

[مجنونتكـ]

صح السااانكك
كلمآآآت ‘‘عذبه
دمتي كما تحبين..

[خالد العبيريد]

يابيت لاتبدي من الهم مثقال
خل العلوم اللي عطيتك دفينه

فكر جزل جدا ً جدا ً ماشاء الله تبارك الله اخذ وعطى ولا اروع منه في فن الشعر ,,

حيااك الله فاقده ابوها ,,

الله انه يفرجها على قلبك ويسهل لك الامور وصح الله لسانك وصح قلبك وكلك ولاهنتي على هالمشاعر الاليمه ,,


خالص تحياتي وكل تقديري لك .

[فاقده ابوها]

اقتباس المشاركة الأصلية كتبت بواسطة خالد العبيريد يابيت لاتبدي من الهم مثقال خل العلوم اللي عطيتك دفينه فكر جزل جدا ً جدا ً ماشاء الله تبارك الله اخذ وعطى ولا اروع منه في فن الشعر ,, حيااك الله فاقده ابوها ,, الله انه يفرجها على قلبك ويسهل لك الامور وصح الله لسانك وصح قلبك وكلك ولاهنتي على هالمشاعر الاليمه ,, خالص تحياتي وكل تقديري لك .

صح بدنك ولاهنت وسلمت يمينك ع الكلمات ومشكور والله يفرج هم كل مسلم ومسلمه

[فاقده ابوها]

الماسه----------- مجنونتك صحت ابدانكم ولاهنتو ع المرور اللي شرفني