شبيت ضوي

[ناصر الشريف]

[poem=font="simplified arabic,5,blue,bold,italic" bkcolor="transparent" bkimage="" border="solid,4,gray" type=3 line=1 align=center use=sp num="0,black""]
استفزي يا جنوني ساحة الشعار هيا=واضربي طبل الحرايب لين يوحيها عدوي

كل ما غنيت صاح الشوق والهاجس تهيا=يوم اترجمها على الشعار بالمعنى تدوي

الهزيله لا لقاها الهاجس البطران عيا=قال والله ما اتدنى للهزيله من علوي

لازم اجعل للمسامع في ظلال القول فيا=ويترنم طاير الاحلام في حزت شدوي

يا سما همس القوافي يا شعور ما ت حيا=لا تمنى يا خيالي تستبيح اوراق جوي

لا نزل وابل طموحي ينعش الوجدان ريا=اشهد انه يوم ياتي دايما ياتي مهوي

ما ني بكذاب يوم اقول مابه لي زيا=ترتمي الافلاك في جوفي ويرفعها سموي

ما بقى للحب في جوفي معى التفكير شيا=العنى في داخل اعماقي غدى اليوم متلوي

بس مايبقى لغيري في حضوري نور ضيا=لن تفكيري لوجداني وللهاجس مقوي

ما حلا الرجال يوم يفز حزات الحميا=والرجال اشكال والشيطان للعالم مغوي

ما اقبل الرجال لا علمه ظهر والطبع سيا=لا رضيت بخوت الخاسي يساهم في دنوي

ما عليا من كلام الناس والله ما عليا=دام انا بالمرقب العالي قبست اليوم ضوي
[/poem]

 

 

 

 

 

 

 

 

[صالح اليامي]

مشكوووووور والله يعطيك الف عافيه ويشرفني أني أول من أطلع عليه
التقبل : التحياتي

[العقاب]

ياماشاء الله على هالقاف الجزل

صح الله لسانك ياناصر والقاف يشهد لك لاهنت على حرفك

[عيوني حزينه]

صح لسانك اخوي ناصر

قصيده شامخه الله لايضرك

لاتحرمنا جديدك يالغالي

لك تحيه

[الشاكر أبو سامي]

ما حلا الرجال يوم يفز حزات الحميا
والرجال اشكال والشيطان للعالم مغوي

صح لسانك أخوي ناصر الشريف

على هذه الشامخة

[صاحبة سمو]

صح السانك اخوي

جعلك ماتهون يارب

لاعدمنا جديدك الغاوي

[عبدالله السفياني]

صح لسانك واعتلا شانك


قصيدة فيها التحدي مقرون بالابداع

ولاحظه الجميع لله درك تمزك بؤجودك

[ناصر الشريف]

صحت ابدانكم جميع

والله لايهينكم على المرور كل واحد بسمه


تقبلو تحياتي وخالص تقديري